ଯାଜପୁର ଜିଲ୍ଲାରେ ସୀମା ଟପିଲାଣି କାଠ କଟା, ଜଙ୍ଗଲ ବିଭାଗ ନିରବ

ଓଡ଼ିଶା ଲିଡ୍ସ(ଯାଜପୁର): ବାଲି ମାଫିଆଙ୍କ ଦ୍ଵାରା ଯାଜପୁର ଜିଲ୍ଲାରେ ବାଲି ଲୁଟ ସୀମା ଟପିଥିଲା ବେଳେ ବାଲି ଲୁଟକୁ ଚ୍ୟାଲେଞ୍ଜ କରୁଛନ୍ତି କାଠ ମାଫିଆ । ଜିଲ୍ଲାର ବିଭିନ୍ନ ସ୍ଥାନରୁ ଶହ ଶହ ଟ୍ରିପ କାଠ କାଟି ତାକୁ ଟ୍ରାକ୍ଟର ସହାୟତାରେ ବୋହି ନେଉଛନ୍ତି । ଦିନରେ ଅଳ୍ପ ପରିମାଣର କାଠ ଟ୍ରାକ୍ଟରରେ ବୁହା ଯାଉଥିଲା ବେଳେ ସଞ୍ଜ ନଇଁଲେ ଗାଡିର ଧାଡି ଲମ୍ବୁଛି ରାସ୍ତାରେ । ବିଶେଷ କରି ବଡ଼ ବଡ଼ ଚାକୁଣ୍ଡା ଗଛ ଉପରେ କାଠ ମାଫିଆ ନଜର ପକାଇ ତାକୁ କାଟି କୋଲକାତା ଚାଲାଣ କରୁଛନ୍ତି । ଜିଲ୍ଲାରୁ ଏତେ ପରିମାଣର କାଠ କଟାଯାଇ ରାଜ୍ୟ ବାହାରକୁ ଚାଲାଣ ହେଉଥିଲା ବେଳେ ବନ ବିଭାଗ ନଜରକୁ ଏହା କିଭଳି ଆସୁନାହିଁ ତାହା ପ୍ରଶ୍ନବାଚୀ ସୃଷ୍ଟି କରିଛି । ଏହି ଗଛ କଟା ପରିବେଶ ଉପରେ ବ୍ୟାପକ ପ୍ରଭାବ ପକାଉଥିଲା ବେଳେ ଏ ନେଇ ପରିବେଶବିତ ମଧ୍ୟ ନିରବ । ଜଙ୍ଗଲ ବିଭାଗ ସହିତ ପରିବେଶବିତ ନିରବ ରହିବା କାଠ ମାଫିଆଙ୍କ ପାଇଁ ସୁଯୋଗ ସୃଷ୍ଟି କରିଛି ।