ଓଡ଼ିଶା ଲିଡ୍ସ(ବ୍ୟୁରୋ): ଭୋଗରାଇର ପୂର୍ବତନ ବିଧାୟକ ତଥା ପୂର୍ବତନ ମନ୍ତ୍ରୀ ଅନନ୍ତ ଦାସଙ୍କ ବିୟୋଗରେ ପୂର୍ବତନ ଅର୍ଥମନ୍ତ୍ରୀ ପ୍ରଫୁଲ୍ଲ ଚନ୍ଦ୍ର ଘଡାଇ ଗଭୀର ଶୋକ ପ୍ରକାଶ କରିଛନ୍ତି । ରାଜନୀତିରେ ଅନନ୍ତ ତାଙ୍କ ସମସାମୟିକ ଥିଲେ । ମୃତ୍ୟୁ ଖବର ପାଇ ସେ ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିବା ସହିତ ଶ୍ରଦ୍ଧାଞ୍ଜଳି ଜଣାଇଥିଲେ । ନିଜ ଶୋକ ବାର୍ତ୍ତାରେ ଶ୍ରୀ ଘଡାଇ କହିଛନ୍ତି ସ୍ୱର୍ଗତ ଅନନ୍ତ ଦାସ ମୋ ସମସାମୟିକ ଥିଲେ । ଜଣେ ଅମାୟିକ ବ୍ୟକ୍ତି ଭାବେ ବେଶ ଲୋକପ୍ରିୟ ଥିଲେ । ନିଜ ସମୟରେ ସେ ଭୋଗରାଇରେ ବିଭିନ୍ନ ବିକାଶ ମୂଳକ କାର୍ଯ୍ୟ କରିଥିଲେ । ତାଙ୍କ ଦେହାନ୍ତ ରାଜ୍ୟ ରାଜନୀତିରେ ବିରାଟ ଶୁନ୍ୟ ସ୍ଥାନ ସୃଷ୍ଟି କରିଛି । ତାଙ୍କ ଆତ୍ମାର ଶାନ୍ତି ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରୁଛି ।
orissaleads@admin
March 9, 2025
