ଓଡ଼ିଶା ଲିଡ୍ସ(ଯାଜପୁର): ଅମର ଫାଉଣ୍ଡେସନ ପକ୍ଷରୁ ସୁକିନ୍ଦା ବ୍ଲକ ନଗଡ଼ାର ୪ଟି ଗ୍ରାମର ୯୦ ପରିବାରକୁ କମ୍ବଳ ଓ ଖାଦ୍ୟ ସାମଗ୍ରୀ ବଣ୍ଟନ କରାଯାଇଛି । ଗତ କାଲି ଅମର ଫାଉଣ୍ଡେସନ ପରିବାରର ପ୍ରତିଷ୍ଠାତା ଅମର ରଞ୍ଜନ ମହାନ୍ତି ଓ ଅନ୍ୟ ସଦସ୍ୟ ମାନେ ନଗଡ଼ାର ନାଲିଆଡାବ ଠାରେ ପହଞ୍ଚିଥିଲେ । ସେଠାରେ ଗୁହିଆଶାଳ, ତଳଡିହ ଓ ତୁମୁଣି ଗାଁର ୮୨ ଜୁଆଙ୍ଗ ପରିବାର ଓ ନାଲିଆଡାବ(ନଗଡ଼ା ଉପକଣ୍ଠ) ନାଲିଆଡାଵ ବସ୍ତିର ୮ ପଛୁଆ ବର୍ଗ ପରିବାରକୁ କମ୍ବଳ ସହିତ ରାସନ ସାମଗ୍ରୀ ବଣ୍ଟନ କରିଥିଲେ । ଏହା ସହିତ ଛୋଟ ପିଲାମାନଙ୍କୁ ଓଆରଏସ ସହିତ ଶୁଖିଲା ଖାଦ୍ୟ ସାମଗ୍ରୀ ମଧ୍ୟ ବଣ୍ଟନ କରାଯାଇଥିଲା ।
ଏହି କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକ ରବି ନାରାୟଣ କର, ଚିତ୍ତରଞ୍ଜନ ପଟ୍ଟନାୟକ, ହେମନ୍ତ କୁମାର ସାହୁ, ଶୋଭନ କାନୁନଗୋ, ବସନ୍ତ କୁମାର ବେହେରା, ଚିରଞ୍ଜିବି ଦାସ, ଅଜୟ କୁମାର ଦାସ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । ଏହା ପରେ ଅମର ଫାଉଣ୍ଡେସନର ସମସ୍ତ ସଦସ୍ୟ ନଗଡା ପରିଦର୍ଶନ କରିବା ସହିତ ନଗଡ଼ା ଶିବ ମନ୍ଦିର ଯାଇ ମହାଦେବଙ୍କ ଆଶିର୍ବାଦ କାମନା କରିଥିଲେ । ନଗଡ଼ାର ପ୍ରାକୃତିକ ପରିବେଶ ବେଶ ମନୋରମ ବୋଲି ସମସ୍ତେ ମତ ଦେଇଥିଲେ ।
