ଉତ୍ତମ ମହାନ୍ତିଙ୍କ ଦେହାନ୍ତର ଶୋକ ପ୍ରକାଶ କଲେ ରାଜ୍ୟ ବିଜେପି ସଭାପତି

ଓଡ଼ିଶା ଲିଡ୍ସ(ବ୍ୟୁରୋ): ବରିଷ୍ଠ ତଥା ଲୋକପ୍ରିୟ ଅଭିନେତା ଉତ୍ତମ ମହାନ୍ତିଙ୍କ ଦେହାନ୍ତରେ ଗଭୀର ଶୋକ ପ୍ରକାଶ କରିଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ । ଉତ୍ତମ ମହାନ୍ତିଙ୍କ ବାସଭବନରେ ତାଙ୍କ ପାର୍ଥିବ ଶରୀରର ଶେଷ ଦର୍ଶନ କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ଶ୍ରୀ ସାମଲ । ଏହା ସହ ଶୋକ ସନ୍ତପ୍ତ ପରିବାର ବର୍ଗଙ୍କୁ ଭେଟି ସମବେଦନା ମଧ୍ୟ ଜଣାଇଛନ୍ତି । ଏହି ଦୁଃଖଦ ପରିସ୍ଥିତିକୁ ସହ୍ୟ କରିବା ପାଇଁ ତାଙ୍କ ପରିବାରଙ୍କୁ ମହାପ୍ରଭୁ ଶ୍ରୀ ଜଗନ୍ନାଥ ଅସୀମ ଶକ୍ତି ଓ ଧୈର୍ଯ୍ୟ ପ୍ରଦାନ କରନ୍ତୁ ବୋଲି ପ୍ରାର୍ଥନା କରିଛନ୍ତି ଶ୍ରୀ ସାମଲ ।