ବେଣିପୁର ବିରୂପା ସେତୁ ଢ଼ଳେଇ ଉଠି ଦେଖାଯାଉଛି ଲୁହା ରଡ଼, ବିପଦରେ ପଥଚାରୀ

ଓଡ଼ିଶା ଲିଡ୍ସ(ବ୍ୟୁରୋ): କେନ୍ଦ୍ରାପଡା ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗ ଅଧିନରେ ଥିବା ବେଣିପୁର ବିରୂପା ସେତୁ ପଥଚାରୀଙ୍କ ପାଇଁ ବିପଦ ହୋଇଛି । ଗ୍ରାମ୍ୟ ଉନ୍ନୟନ ବିଭାଗ ଦ୍ୱାରା ୨୦୧୩ ମସିହାରେ ଲୋକାର୍ପିତ ହୋଇଥିଲା ଏହି ସେତୁ । ପୂର୍ବତନ ମୁଖ୍ୟମନ୍ତ୍ରୀଙ୍କ ଦ୍ଵାରା ଏହା ଲୋକାର୍ପିତ ହୋଇଥିଲା ବେଳେ ଏହି ସେତୁ କେନ୍ଦ୍ରାପଡା ଜିଲ୍ଲା ସହିତ ଯାଜପୁର ଜିଲ୍ଲାକୁ ସଂଯୋଗ କରୁଛି । ଏହି ସେତୁ ଦେଇ ଦୈନିକ ହଜାରରୁ ଅଧିକ ଲୋକ ବିଭିନ୍ନ ଗାଡି ମଟରରେ ଗତାଗତ କରୁଛନ୍ତି । ଏହି ସେତୁ ଉପରେ ଗଦା ହୋଇ ରହିଛି ବିପୁଳ ପରିମାଣର ବାଲି । ଫଳରେ ଏହି ସେତୁ ଅତିକ୍ରମ କଲା ବେଳେ ବାଇକ ଚାଳକ ମାନେ ଦୁର୍ଘଟଣାର ଶିକାର ହେଉଛନ୍ତି । ବିପୁଳ ପରିମାଣର ବାଲି ଗଦା ହୋଇଥିବାରୁ ବାଇକ ଚକ ସ୍ଲିପ କରୁଛି । ଫଳରେ ପ୍ରାୟ ଦୈନିକ ସେତୁ ଉପରେ ଦୁର୍ଘଟଣା ହେଉଛି । ଏହା ସହିତ ସେତୁର କିଛି ସ୍ଥାନରେ ଢ଼ଳେଇ ଉଠି ଯାଇ ରଡ଼ ବାହାରି ଯାଇ ପଦାକୁ ଟେକି ହୋଇ ରହିଛି । ଯାହା ଅନ୍ୟତମ ବିପଦର କାରଣ ହୋଇଛି । ତୁରନ୍ତ ଏହି ସେତୁ ଉପରୁ ବାଲି ସଫା କରିବା ସହିତ ଦେଖା ଯାଉଥିବା ରଡ଼ ସ୍ଥାନରେ ଢ଼ଳେଇ କରିବାକୁ ସାଧାରଣରେ ଦାବି ହୋଇଛି ।