ଓଡ଼ିଶା ଲିଡ୍ସ(ବ୍ୟୁରୋ): ରାଜ୍ୟ ରାଜନୀତିରେ ପରିବର୍ତ୍ତନର ସଙ୍କେତ ଦେଇଛନ୍ତି ବରିଷ୍ଠ ନେତା ଅମର ପ୍ରସାଦ ଶତପଥୀ । ଜଣେ ଅନୁଭବୀ ତଥା ରାଜ୍ୟର ଅଭିଜ୍ଞ ଓ ବରିଷ୍ଠ ନେତା ଅମର ପ୍ରସାଦ ଶତପଥୀ । ତେଣୁ ତାଙ୍କ ସଙ୍କେତ ରାଜ୍ୟ ରାଜନୀତିରେ ଗୁରୁତ୍ୱ ରଖିବା ସ୍ୱାଭାବିକ । ଅନ୍ୟତମ ବରିଷ୍ଠ ନେତା ତଥା ପୂର୍ବତନ ସାଂସଦ ତଥାଗତ ଶତପଥୀ କହିଥିବା କଥାକୁ ସମର୍ଥନ କରି ନୂଆ ଆଞ୍ଚଳିକ ଦଳ ଗଠନ ନେଇ ସଙ୍କେତ ଦେଇଛନ୍ତି ବରିଷ୍ଠ ରାଜନେତା ଅମର ଶତପଥୀ। ଗତ ସାଧାରଣ ନିର୍ବାଚନରେ ବିଜେଡି ଏହି ଅନୁଭବୀ ନେତାଙ୍କୁ ଅଣଦେଖା କରିଥିଲା । ପରେ ସେ ବିଜେଡି ସହିତ ସମ୍ପର୍କ ତୁଟାଇ ଦେଇଥିଲେ । ପୂର୍ବତନ ମନ୍ତ୍ରୀ ଅମର ଶତପଥୀ ଆଜି ଗଣମାଧ୍ୟମକୁ ଦେଇଥିବା ବିବୃତି ଏଭଳି କିଛି ଦିଗ ଆଡକୁ ଇସାରା କରୁଛି।
ସେ କହିଛନ୍ତି ନୂଆ ରୂପରେ ଆସିବ ବିଜେଡ଼ି ଭାଙ୍ଗିଯିବ ପୁରୁଣା ବିଜେଡି । ବିଜେଡିର ପୂର୍ବତନ ସାଂସଦ ତଥାଗତ ଶତପଥୀ ବର୍ତ୍ତମାନର ବିଜେଡି ଭାଙ୍ଗି ନୂଆ ଆଂଚଳିକ ଦଳ ଆତ୍ମପ୍ରକାଶ କରିବ ବୋଲି କହିଥିଲେ । ଅମର ଆହୁରି କହିଛନ୍ତି, ବର୍ତ୍ତମାନର ବିଜେଡି, ଲୋକ ଓ କର୍ମୀଙ୍କ ଠାରୁ ଦୂରେଇ ଯାଉଛି । କିଛିଦିନ ତଳେ ଅମର, ସୌମ୍ୟ ପଟ୍ଟନାୟକ, ପ୍ରସନ୍ନ ପାଟଶାଣୀ ପ୍ରମୁଖ ନେତା ଏକତ୍ରିତ ହୋଇଥିଲେ ।
