ଓଡ଼ିଶା ଲିଡ୍ସ(ଯାଜପୁର): ଘରୋଇ ଚିକିତ୍ସାଳୟରେ ରୋଗୀ ଶୋଷଣ ସାଧାରଣ କଥା ହୋଇଥିଲା ବେଳେ ଯାଜପୁର ଟାଉନରେ ଘରୋଇ ଚିକିତ୍ସାଳୟ ରୋଗୀଙ୍କ ଜୀବନ ନେଉଛି । ଯାଜପୁର ଟାଉନ ଜିଲ୍ଲା ମୁଖ୍ୟ ଚିକିତ୍ସାଳୟ କଡ଼ରେ ଥିବା ଜୀବନ ଜ୍ୟୋତି ହସ୍ପିଟାଲରେ ଚିକିତ୍ସିତ ହେଉଥିବା ଦୁଇଜଣ ପ୍ରସୂତି ଗୋଟିଏ ସପ୍ତାହ ମଧ୍ୟରେ ମୃତ୍ୟୁ ମୁଖରେ ପଡିଛନ୍ତି । ଫଳରେ ଦୁଇ ନବ ଜାତକ ମା ଠାରୁ ଅମୃତ ତୁଲ୍ୟ କ୍ଷୀର ମୁନ୍ଦିଏରୁ ବଞ୍ଚିତ ହୋଇଛନ୍ତି ।
ଏହି ଘରେଇ ମେଡିକାଲରେ ଗତ ବୁଧବାର ଦିନ ଦୁଇଟି ଅସ୍ତ୍ରୋପଚାର ହୋଇଥିଲା । ଦୁଇଜଣ ପ୍ରସୂତି ହେଲେ ସସ୍ମିତା ଜେନା ଓ ସୁଭଦ୍ରା ପାତ୍ର । ଏହି ୨ଜଣ ପ୍ରସୂତିଙ୍କୁ ଯାଜପୁର ଜିଲ୍ଲା ମୂଖ୍ୟ ଚିକିତ୍ସାଳୟର ପ୍ରସୂତି ଭିଭାଗର ଡାକ୍ତର ଶାନ୍ତିପ୍ରିୟା ମୁର୍ମୁ ଚିକିତ୍ସା କରୁଥିଲେ । ଡାକ୍ତର ମୁର୍ମୁ ସରକାରୀ ଚିକିତ୍ସାଲୟରେ ପ୍ରସୂତି ନ କରାଇ ବେସରକାରୀ ଘରୋଇ ମେଡିକାଲରେ ପ୍ରସୂତି କରାଇବାକୁ ପ୍ରବର୍ତ୍ତାଇ ଏହି ମେଡିକାଲକୁ ପଠାଇ ଥିଲେ । ନିଜେ ମଧ୍ୟ ଜଣଙ୍କର ଅସ୍ତ୍ରୋପଚାର କରି ଦୁଇ ଜଣଙ୍କର ଦୁଇଟି ପୁଅ ଜନ୍ମ କରିଥିଲେ ।
ଅପରେସନ ଟେବୁଲରେ ସସ୍ମିତା ଜେନାଙ୍କର ମୃତ୍ୟୁ ଘଟିଥିବା ବେଳେ ସୁଭଦ୍ରା ପାତ୍ରଙ୍କର ଅବସ୍ଥା ଜଟିଳ ଥିବାରୁ କଟକ ପଠାଇଥିଲେ । ଚିକିତ୍ସାଧୀନ ଅବସ୍ଥାରେ ଗତକାଲି ରାତିରେ ସୁଭଦ୍ରାଙ୍କର ମୃତ୍ୟୁ ଘଟିଥିଲା। ଆଜି ପରିବାର ଓ ଗ୍ରାମବାସୀମାନେ ମୃତ ସୁଭଦ୍ରାଙ୍କର ମୃତ ଶରୀର ଆଣି ଉକ୍ତ ମେଡିକାଲ ସମ୍ମୁଖରେ ରଖି ଧାରଣା ଦେଇ ନ୍ୟୟ ଭିକ୍ଷା କରିଛନ୍ତି। ମୃତ ପ୍ରସୂତୀଙ୍କ ଘର ଖଣ୍ଡରା ବୋଲି ସୂଚନା ମିଳିଛି। ଯାଜପୁର ଟାଉନର ବିଭିନ୍ନ ଘରୋଇ ଚିକିତ୍ସାଳୟରେ ବାରମ୍ବାର ଏହି ଘଟଣା ଚପି ଯାଉଛି । ପ୍ରଶାସନ ନା ଘରୋଇ ଚିକିତ୍ସାଳୟ ବିରୁଦ୍ଧରେ ପଦକ୍ଷେପ ନେଉଛନ୍ତି ନା ସମ୍ପୃକ୍ତ ଡାକ୍ତରଙ୍କ ବିରୁଦ୍ଧରେ ପଦକ୍ଷେପ ନେଉଛନ୍ତି । କେତେ ନିରହ ଲୋକଙ୍କ ଜୀବନ ଗଲେ ପ୍ରଶାସନ ଚେତିବ ତାକୁ ଜିଲ୍ଲାବାସୀ ଅପେକ୍ଷା କରିଛନ୍ତି ।
