୮ ମାସରେ ୧୬ ଶହ ମହିଳା ଅତ୍ୟାଚାରର ଶିକାର ଫ୍ୟାକ୍ଟ ଫାଇଣ୍ଡିଙ୍ଗ ଟିମ ଗଠନ କଲା କଂଗ୍ରେସ

ଓଡ଼ିଶା ଲିଡ୍ସ(ବ୍ୟୁରୋ): ପ୍ରଦେଶ କଂଗ୍ରେସ କମିଟିର ନୂତନ ସଭାପତି ଭାବେ ବରିଷ୍ଠ ନେତା ଭକ୍ତ ଚରଣ ଦାସ ଦାୟିତ୍ୱ ନେଲା ପରେ କଂଗ୍ରେସ ଗତିଶୀଳ ହୋଇଥିବା ପରିଲକ୍ଷିତ ହୋଇଛି । ଆହତ ହୋଇ ଚିକିତ୍ସିତ ହେଉଥିବା ଭକ୍ତ କଂଗ୍ରେସର ଏକ ଫ୍ୟାକ୍ଟ ଫାଇଣ୍ଡିଙ୍ଗ ଟିମ ଗଠନ କରିଛନ୍ତି । ବିଜେପି କ୍ଷମତାକୁ ଆସିବା ପରେ ମାତ୍ର ଆଠ ମାସ ମଧ୍ୟରେ ରାଜ୍ୟର ୧୬ ଶହ ମହିଳା ଅତ୍ୟାଚାରର ଶିକାର ହୋଇଛନ୍ତି । ଯାହା ଦିନକୁ ଦିନ ବଢି ଚାଲିଛି । ଦୈନିକ ପ୍ରାୟ ୭ ଜଣ ମହିଳା ଅତ୍ୟାଚାରର ଶିକାର ହେଉଥିଲା ବେଳେ ଏହାର କାରଣ ଖୋଜିବାକୁ କଂଗ୍ରେସ ପକ୍ଷରୁ ଏହି ଟିମ ଗଠନ କରାଯାଇଛି । ପୂର୍ବତନ ମନ୍ତ୍ରୀ ନଗେନ୍ଦ୍ର ପ୍ରଧାନ କମିଟିର ମୁଖ୍ୟ ରହିଥିଲା ବେଳେ କମିଟିରେ ସଦସ୍ୟ ଭାବେ ପୂର୍ବତନ ବିଧାୟକ ସୁଜିତ କୁମାର ପାଢୀ, ବିଧାୟିକା ସୋଫିଆ ଫିରଦୋଶ, ବିଧାୟକ ସତ୍ୟଜିତ ଗମାଙ୍ଗ, ଅଖିଳ ଭାରତ ମହିଳା କଂଗ୍ରେସ ସମ୍ପାଦିକା ସସ୍ମିତା ବେହେରା, ମାନସ ମଲ୍ଲିକ ଓ ଡା ଲିପିକା ମାଝୀ ମନୋନୀତ ହୋଇଛନ୍ତି । ଉକ୍ତ କମିଟି ବିଭିନ୍ନ ଜିଲ୍ଲା ଗସ୍ତ କରି ତଥ୍ୟ ସଂଗ୍ରହ କରିବ ।