ଓଡ଼ିଶା ଲିଡ୍ସ(ବ୍ୟୁରୋ): ବିଶ୍ୱ କ୍ରିକେଟର କିଙ୍ଗ ନାମରେ ପରିଚିତ ବିରାଟ କୋହଲି ଆଜି ତାଙ୍କ ୩୭ ତମ ଜନ୍ମ ଦିବସ ପାଳନ କରୁଛନ୍ତି । ଏହି ଅବସରରେ ତାଙ୍କୁ ଶୁଭେଚ୍ଛାର ସୁଅ ଛୁଟିଛି । ବିରାଟ ତାଙ୍କ କ୍ୟାରିଅରରେ ୮୨ ଶତକ ଓ ୧୪୪ ଅର୍ଦ୍ଧ ଶତକ ସହିତ ୨୭ହଜାରରୁ ଅଧିକ ରନ ସଂଗ୍ରହ କରିଛନ୍ତି । ଟେଷ୍ଟ ଓ T-20ରୁ ଅବସର ନେଇଥିଲେ ମଧ୍ୟ ଏବେ ସେ ଏକ ଦିବସିୟରର ସକ୍ରିୟ ଅଛନ୍ତି । ନିଜ ଖେଳ ହେଉକି ନିଜ ଫିଟନେସ ଉଭୟକୁ ନେଇ ସବୁ ସମୟରେ ଚର୍ଚ୍ଚାରେ ରୁହନ୍ତି ବିରାଟ । କୋହଲି ୫୫୩ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି ଏବଂ ୮୨ଶତକ ହାସଲ କରିଛନ୍ତି। ସେ ମଧ୍ୟ ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ସ୍କୋରରଙ୍କ ତାଲିକାରେ କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକରଙ୍କ ପରେ ଦ୍ୱିତୀୟ ସ୍ଥାନରେ ଅଧିକାର କରିଛନ୍ତି ।
ବିରାଟ ନିଜ ଟେଷ୍ଟ କ୍ୟାରିୟରରେ ୧୨୩ଟି ଟେଷ୍ଟ ମ୍ୟାଚ୍ ଖେଳି ୪୬.୮୫ ହାରରେ ୯,୨୩୦ ରନ୍ କରିଛନ୍ତି। ଟେଷ୍ଟ କ୍ରିକେଟରେ ବିରାଟ ୩୦ଟି ଶତକ ଏବଂ ୩୧ଟି ଅର୍ଦ୍ଧଶତକ ହାସଲ କରିଛନ୍ତି। ଟେଷ୍ଟରର ତାଙ୍କ ସର୍ବୋତ୍ତମ ଇନିଂସ ହେଉଛି ଅପରାଜିତ ୨୫୪।
ଦିନିକିଆରେ ତାଙ୍କର ଯାତ୍ରା ଜାରି ରଖିଥିଲା ବେଳେ ୩୦୫ଟି ମ୍ୟାଚ୍ରେ ସେ ୧୪,୨୫୫ ରନ୍ କରିଛନ୍ତି । ଯେଉଁଥିରେ ୫୧ଟି ଶତକ ଏବଂ ୭୫ଟି ଅର୍ଦ୍ଧଶତକ ଅନ୍ତର୍ଭୁକ୍ତ। ଦିନିକିଆରେ କୋହଲିଙ୍କ ସର୍ବୋତ୍ତମ ସ୍କୋର ହେଉଛି ୧୮୩ରନ୍।
orissaleads@admin
November 5, 2025
