ଓଡ଼ିଶା ଲିଡ୍ସ(ଯାଜପୁର): ଦୈନିକ ହଜାର ହଜାର ସଂଖ୍ୟାର ବଡ଼ ଓ ଛୋଟ ଗାଡି ଏହି ରାସ୍ତାରେ ଗତାଗତ କରୁଛି । ସେଥିରେ ସାମିଲ ଅଛି ସଂଖ୍ୟାଧିକ ଆମ୍ବୁଲାସ । ଜିଲ୍ଲା ପ୍ରଶାସନର ସମସ୍ତ ଅଧିକାରୀ ଏହି ରାସ୍ତା ଦେଇ ଗତାଗତ କରୁଛନ୍ତି । ଏହି ରାସ୍ତା ହେଉଛି ଯାଜପୁର ଜିଲ୍ଲା ମୁଖ୍ୟଳୟକୁ ଯାଇଥିବା ରାସ୍ତା । ଏହି ରାସ୍ତା ଅତ୍ୟନ୍ତ ଶୋଚନୀୟ ହୋଇପଡିଥିଲା ବେଳେ ଓଡ଼ିଶା ଲିଡ୍ସ ଏ ନେଇ ବାରମ୍ବାର ଖବର ପ୍ରସାରଣ ପରେ ରାସ୍ତା ମରାମତି ହୋଇଛି ।
ହେଲେ ନିମ୍ନ ମାନର କାମ ଯୋଗୁ ମାତ୍ର କିଛିଦିନ ଅନ୍ତରରେ ପିଚୁ ଉଠି ପୁଣି ଖାଲ ଖମାରେ ପୂର୍ଣ୍ଣ ହେଉଛି ରାସ୍ତା । ଏହି ରାସ୍ତାର ଗୋଖନା ଛକ ନିକଟରେ ସୃଷ୍ଟି ହୋଇଥିବା ଗାଢ଼ ପଥଚାରୀଙ୍କ ପାଇଁ ବିପଦର କାରଣ ହୋଇଛି । ଯେ କୌଣସି ସମୟରେ ପଥଚାରୀ ଏଠାରେ ଦୁର୍ଘଟଣାର ସମ୍ମୁଖୀନ ହେବା ନିଶ୍ଚିତ । ଏ ନେଇ ଜିଲ୍ଲାପାଳ ତୁରନ୍ତ ପଦକ୍ଷେପ ନେବାକୁ ସାଧାରଣରେ ଦାବି ହୋଇଛି ।
