ଠକେଇର ମାଧ୍ୟମ ସାଜିଛି ୟୁପିଆଇ ପେମେଣ୍ଟ, ଟଙ୍କା ପଠାଇବା ସମୟରେ ସତର୍କ ରୁହନ୍ତୁ

ଓଡ଼ିଶା ଲିଡ୍ସ(ବ୍ୟୁରୋ): ୟୁପିଆଇ ଜରିଆରେ ଟଙ୍କା ନେଣ ଦେଣ କରୁଥିଲେ ବ୍ୟବହାରକାରୀ ସତର୍କ ହେବା ଜରୁରୀ । ୟୁପିଆଇ ପେମେଣ୍ଟ ନାଁରେ ବଡ଼ ଠକେଇ ଚାଲିଛି । ଟଙ୍କା ପଠାଇବା ସମୟରେ ଟିକିଏ ଭୁଲ କଲେ ଆପଣଙ୍କ ଏକାଉଣ୍ଟ ଖାଲି ହୋଇ ଯିବାର ସମ୍ଭାବନା ରହିଛି ।ଠକମାନେ ୟୁଜର୍ସଙ୍କୁ ନିଜ ଜାଲରେ ଫସାଇ ସେମାନଙ୍କ ବ୍ୟାଙ୍କ ଆକାଉଣ୍ଟ ଖାଲି କରିବାକୁ ନୂଆ ନୂଆ ଉପାୟ ଖୋଜୁଛନ୍ତି। କେତେବେଳେ ଡେଲିଭରି ନାମରେ ତ କେତେବେଳେ ପୁରସ୍କାର ରାଶି ନାମରେ ଲୋକଙ୍କୁ ଠକାଯାଉଛି।
ଠକେଇରୁ ରକ୍ଷା ପାଇବା ପାଇଁ, ଭାରତୀୟ ରିଜର୍ଭ ବ୍ୟାଙ୍କର ନିର୍ଦ୍ଦେଶାବଳୀ ଅନୁସାରେ ସତର୍କତାର ସହିତ ଆର୍ଯ୍ୟ କରିବା ଜରୁରୀ । କେବେବି କାହା ସହିତ ପାସୱାର୍ଡ, ଓଟିପି, ୟୁପିଆଇ ପିନ୍ ନମ୍ବର୍ ସେୟାର କରନ୍ତୁ ନାହିଁ। ଦୟାକରି ଧ୍ୟାନ ଦିଅନ୍ତୁ, କୌଣସି ବ୍ୟାଙ୍କ କୌଣସି ଗ୍ରାହକଙ୍କଠାରୁ ପିନ୍, ପାସୱାର୍ଡ, ଓଟିପି ଇତ୍ୟାଦି ମାଗେ ନାହିଁ। ୟୁପିଆଇ ମାଧ୍ୟମରେ ଠକେଇରୁ ରକ୍ଷା ପାଇବା ପାଇଁ, କୌଣସି ଅଜଣା ନମ୍ବରରୁ ଆସୁଥିବା ଫୋନ୍ କଲ୍, ମେସେଜ୍ କିମ୍ବା ଇମେଲ୍ ଖୋଲିବା ଉଚିତ ନୁହେଁ । ହ୍ୱାଟସଆପ୍ ଲିଙ୍କ୍ ଉପରେ ମଧ୍ୟ କ୍ଲିକ ନ କରିବାକୁ ପରାମର୍ଶ ଦିଆଯାଇଛି ।