ବଡ଼ଚଣା ବିଧାୟକଙ୍କ ମହତ କାମ, ସାଧାରଣରେ ପ୍ରଶଂସା

ଓଡ଼ିଶା ଲିଡ୍ସ(ଯାଜପୁର):ଗତ ବୁଧବାର ଦିନ ବଡ଼ଚଣା ବିଧାୟକ ଅମର କୁମାର ନାୟକ ନିଜ ନିର୍ବାଚନ ମଣ୍ଡଳୀରୁ ଭୁବନେଶ୍ୱର ଡେରି ରାତିରେ ଫେରୁଥିଲେ । ଏହି ସମୟରେ ଜାତୀୟ ରାଜପଥ କଡ଼ ନେଳିଆ ଛକରେ ଥିବା ଏକ ଜଳଖିଆ ଦୋକାନରେ ନିଆଁ ଲାଗିଥିବା ଦେଖିବାକୁ ପାଇଥିଲେ । ସେ ସେଠାରେ ଅଟକି ନିଆଁ ଲିଭାଇବାର ଉଦ୍ୟମ କରିଥିଲେ । ତାଙ୍କ ସହିତ ଅନ୍ୟ ସହଯୋଗୀ ଓ ସୁରକ୍ଷା କର୍ମୀ ମଧ୍ୟ ନିଆଁକୁ ଆୟତ୍ତ କରିବାର ଉଦ୍ୟମ କରିବା ସହିତ ଅଗ୍ନିଶମ ବାହିନୀକୁ ମଧ୍ୟ ଖବର ଦେଇଥିଲେ । ଖବର ପାଇ ଦୋକାନ ମାଲିକ କାଳିଆ ବି ଘଟଣା ସ୍ଥଳରେ ପହଞ୍ଚି ଥିଲେ । ସମସ୍ତଙ୍କ ଉଦ୍ୟମ ପରେ ନିଆଁ ଲିଭିଥିଲା । ବିଧାୟକଙ୍କ ଏହି ମହତ କାମ ପାଇଁ ଦୋକାନ ମାଲିକ ତାଙ୍କୁ କୃତଜ୍ଞତା ଦେଇଥିଲା ବେଳେ ସାଧାରଣରେ ତାଙ୍କ କାମର ପ୍ରଶଂସା କରାଯାଇଛି ।