ସବୁ ମନ୍ଦିରରେ ଭକ୍ତିମୟ ପରିବେଶ, ବାବାଙ୍କୁ ଦର୍ଶନ କରି ଶୁଭ ମନାଶୁଛନ୍ତି ଶ୍ରଦ୍ଧାଳୁ
ଯାଜପୁର,୨୬।୨(ଓଏଲ): ଆଜି ପବିତ୍ର ମହା ଶିବରାତ୍ରୀ । ଆଜିର ଏହି ଦିନକୁ ଶୈବ ଭକ୍ତମାନେ ଅପେକ୍ଷା କରିଥାଆନ୍ତି । ଆଜି ଏହି ପବିତ୍ର ଦିନରେ ଯାଜପୁର ଜିଲ୍ଲା ଉତ୍ସବ ମୁଖର ହେବା ସହିତ ଭକ୍ତିମୟ ପରିବେଶ ସୃଷ୍ଟି ହୋଇଛି । କେବଳ ପ୍ରସିଦ୍ଧ ଶୈବ ପୀଠ ନୁହେଁ ସମସ୍ତ ଶୈବ ପୀଠ ଗୁଡିକରେ ବଡ଼ି ସକାଳୁ ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳିଥିଲା । ମନ୍ଦିର ପରିଚାଳନା କମିଟି ପକ୍ଷରୁ ବ୍ୟାପକ ସାଜସଜ୍ଜା ମଧ୍ୟ କରାଯାଇଥିଲା । ଭକ୍ତ ମାନେ ଧାଡିରେ ଆସି ଦର୍ଶନ କରିବା ସହିତ ପୂଜାପାଠ କରି ନିଜ ତଥା ନିଜ ପରିବାର ପାଇଁ ଶୁଭ ମନାସିଥିଲେ । ଆଇନ ଶୃଂଖଳା କୁ ଦୃଷ୍ଟିରେ ରଖି ବିଭିନ୍ନ ମନ୍ଦିରରେ ବ୍ୟାପକ ପୋଲିସ ମୁତୟନ ହୋଇଥିଲେ । ଡେରି ରାତିରେ ମହାଦୀପ ଉଠିବାକୁ ବ୍ୟବସ୍ଥା ହୋଇଥିଲା ବେଳେ ସେଥିପାଇଁ ମଧ୍ୟ ବ୍ୟାପକ ପ୍ରସ୍ତୁତି ଚାଲିଛି ମନ୍ଦିର କମିଟି ଗୁଡିକ ପକ୍ଷରୁ ।
