ଓଡ଼ିଶା ଲିଡ୍ସ(ବ୍ୟୁରୋ): ଭାରତ ସହ ଯୁଦ୍ଧ ପରିସ୍ଥିତି ସୃଷ୍ଟି କରି ଦୁର୍ବଳ ପାକିସ୍ତାନ ଏବେ ଖଣ୍ଡ ବିଖଣ୍ଡିତ ହେବାକୁ ଯାଉଥିବା ନେଇ ଚର୍ଚ୍ଚା ବଢିଛି । ଯୁଦ୍ଧ ବଢିବା ସହିତ ପାକିସ୍ତାନରେ ବିଭାଜନ ଆଶଙ୍କା ବେଶ ବଢି ଯାଇଛି । ଚାରି ଦିଗରୁ ଆକ୍ରମଣରେ ଥରି ଉଠିଛି ପାକିସ୍ତାନ ।
ଭାରତ ଘନ ଘନ ଆକ୍ରମଣ କରୁଥିଲା ବେଳେ ଵେଲୁଚ ବିଦ୍ରୋହୀ ପାକିସ୍ତାନ ସେନାକୁ ନୟାନ୍ତ କରି ସାରିଲେଣି । ସୁଯୋଗ ନେଇ ତାଲିବାନ ବି ଆକ୍ରମଣ ଆରମ୍ଭ କରିଛି । ଆଉ ଏତିକି ବେଳେ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଜେଲରୁ ମୁକ୍ତ କରିବାକୁ ତାଙ୍କ ସମର୍ଥକ ରାସ୍ତାକୁ ଓହ୍ଲାଇଛନ୍ତି । ଯାହା ଏହି ଦେଶରେ ଗୃହ ଯୁଦ୍ଧ ପରିସ୍ଥିତି ସୃଷ୍ଟି କରିଛି ।
ବିଶେଷ ସୂଚନା ଅନୁଯାୟୀ ନିଜକୁ ସ୍ବତନ୍ତ୍ର ରାଷ୍ଟ୍ର ଘୋଷଣା କଲାଣି ବଲୁଚିସ୍ତାନ। ଦୀର୍ଘ ଦିନ ହେଲା ଏହି ଆନ୍ଦୋଳନ ଚାଲୁଥିଲା ବେଳେ ଭାରତ ସହିତ ଯୁଦ୍ଧ ସମୟରେ ବଲୁଚିସ୍ତାନ ନିଜକୁ ସ୍ୱାଧୀନ ରାଷ୍ଟ୍ର ଘୋଷଣା କରି ପାକିସ୍ତାନ ସରକାରକୁ ଚିନ୍ତାରେ ପକାଇ ଦେଇଛି । ସିନ୍ଧୁ ପ୍ରଦେଶରେ ବି ଜୋର ଧରିଛି ସ୍ବତନ୍ତ୍ର ଦେଶ ମାନ୍ୟତା ଦାବି । ଖାଇବର ପଖତୁନଖୱାରେ ବି ସ୍ବତନ୍ତ୍ର ଦେଶ ହେବାକୁ ଦାବି ହେଲାଣି । ଏପରି ସ୍ଥଳେ ଯଦି ପାକିସ୍ତାନ ବଞ୍ଚି ରହେ ତେବେ ପଞ୍ଜାବ ପ୍ରଦେଶକୁ ନେଇ ବଞ୍ଚି ରହିବ ବୋଲି ଚର୍ଚ୍ଚା ହେଉଛି ।
