ଓଡ଼ିଶା ଲିଡ୍ସ(ବ୍ୟୁରୋ): ମହାକାଶଚାରୀ ସୁନିତା ଓ ତାଙ୍କ ସାଥିଙ୍କୁ ଫେରାଇ ଆଣିବାକୁ ସ୍ପେସ ଷ୍ଟେସନରେ ପହଞ୍ଚିଛି ମହାକାଶ ଯାନ । ଏହି ଅବସରରେ ପୃଥିବୀରୁ ଯାଇଥିବା ନୂଆ ୪ ମହାକାଶଚାରୀଙ୍କୁ ସ୍ବାଗତ କରିଥିଲେ ସୁନୀତା ଓ ତାଙ୍କ ସାଥି ଆଷ୍ଟ୍ରନଟ୍ ବୁଚ୍ ୱିଲମୋର । ଗତକାଲି ଦିନ ପ୍ରାୟ ୧୦ଟା ବେଳେ ଅନ୍ତର୍ଜାତୀୟ ମହାକାଶ କେନ୍ଦ୍ରରେ ପହଞ୍ଚିଛି ସ୍ପେଶ୍ ଏକ୍ସ କ୍ରୁ-ଟେନ୍ ମିଶନର ଡ୍ରାଗନ୍ ସ୍ପେଶକ୍ରାଫ୍ଟ । ପୃଥିବୀକୁ ଫେରିବା ପୂର୍ବରୁ ମହାକାଶରେ ଖୁସିରେ ଝୁମି ଉଠିଛନ୍ତି ସୁନିତା ୱିଲିୟମ। ୯ ମାସ ମହାକାଶରେ ଫସିରହିବା ପରେ, ମାଟିକୁ ଫେରିବା ପୂର୍ବର ଖୁସି ଆଜି ସ୍ପଷ୍ଟ ବାରି ହୋଇ ପଡ଼ିଥିଲା ସୁନୀତା ୱିଲିୟମ୍ସଙ୍କ ମୁହଁରେ । ତାଙ୍କୁ ପୃଥିବୀକୁ ଫେରାଇ ଆଣିବା ପାଇଁ ଯାଇଥିବା ଡ୍ରାଗନ୍ ସ୍ପେଶକ୍ରାଫ୍ଟର ଡକିଂ ସଫଳ ହୋଇଛି ।
ପୃଥିବୀରୁ ଯାଇଥିବା ନୂଆ ୪ ମହାକାଶଚାରୀଙ୍କୁ ସ୍ବାଗତ କରିଥିଲେ ସୁନୀତା ଓ ତାଙ୍କ ସାଥି ୱିଲମୋର । ପୃଥିବୀ ପୃଷ୍ଠରୁ ୪ଶହ କିଲୋମିଟର ଉପରେ ବୁଲୁଥିବା ଇଣ୍ଟରନ୍ୟାସନାଲ ସ୍ପେଶ୍ ଷ୍ଟେସନକୁ ଗତବର୍ଷ ଜୁନରେ ମାତ୍ର ୮ ଦିନ ପାଇଁ ଯାଇଥିଲେ ଏହି ଭାରତୀୟ ବଂଶୋଦ୍ଭବ ମହାକାଶଚାରୀ ସୁନୀତା । ହେଲେ ତାଙ୍କ ମହାକାଶଯାନ ବୋଇଂ ଷ୍ଟାରଲାଇନରରେ ଯାନ୍ତ୍ରିକ ତ୍ରୁଟି ଦେଖା ଦେଇଥିଲା । ଫଳରେ ତାଙ୍କୁ ୮ ଦିନ ବଦଳରେ ୯ ମାସ ଫସି ରହିବାକୁ ପଡ଼ିଲା ସ୍ପେଶ୍ ଷ୍ଟେସନ ଭିତରେ ।
ତାଙ୍କୁ ପୃଥିବୀକୁ ଫେରାଇ ଆଣିବା ପାଇଁ ବାରମ୍ବାର ମିଶନ୍ ପ୍ଲାନ୍ ହେଉଥିଲା, ଓ ପ୍ରମୁହୂର୍ତ୍ତରେ ପୁଣି ସେସବୁ ସ୍ଥଗିତ ରହୁଥିଲା । ଯାହାକି ସୁନୀତାଙ୍କ ସଂପର୍କୀୟ ଓ ଶୁଭେଚ୍ଛୁଙ୍କ ମନରେ ଚିନ୍ତା ଓ ଆଶଙ୍କା ବଢ଼ାଇଥିଲା । ଅନ୍ତର୍ଜାତୀୟ ମହାକାଶ କେନ୍ଦ୍ରରେ ପହଞ୍ଚିଛି ସ୍ପେଶ୍ ଏକ୍ସ କ୍ରୁ-ଟେନ୍ ମିଶନର ଡ୍ରାଗନ୍ ସ୍ପେଶକ୍ରାଫ୍ଟ । ଏଥିରେ ଆମେରିକା, ଜାପାନ ଓ ଋଷର ୪ ଜଣ ମହାକାଶଚାରୀ ସ୍ପେଶ ଷ୍ଟେସନକୁ ଯାଇଛନ୍ତି । ଏହା ସୁନୀତା ଓ ବୁଚଙ୍କ ସମେତ ମୋଟ ୪ ଜଣଙ୍କୁ ଧରି ପୃଥିବୀ ଫେରିବ ବୋଲି ସୂଚନା ରହିଛି । ଆସନ୍ତା ୧୯ ତାରିଖରେ ସୁନୀତା ଫ୍ଲୋରିଡ଼ା ତଟରେ ଓହ୍ଲାଇପାରନ୍ତି ବୋଲି ଆଶା କରାଯାଉଛି ।
