ଓଡ଼ିଶା ଲିଡ୍ସ(ବ୍ୟୁରୋ):ଭାରତକୁ ରୁଷ ଠାରୁ ତୈଳ ଆମଦାନୀ କରିବାକୁ ୩୦ ଦିନ ମୁକ୍ତ କରିଥିବା ଆମେରିକାର ଦାବି ଉପରେ ଭାରତ କଡ଼ା ଜବାବ ରଖିଛି । ଏ ନେଇ ଆଜି ଭାରତ ସରକାର ସ୍ପଷ୍ଟ କରିଛନ୍ତି ରୁଷୀୟ ତୈଳ କ୍ରୟ ପାଇଁ ଭାରତକୁ କାହାର ଅନୁମତିର ଆବଶ୍ୟକତା ନାହିଁ। ଭାରତ ରୁଷ୍ ଠାରୁ ତୈଳର ଆମଦାନୀ ଜାରି ରଖିବ। ଇରାନ ବିରୋଧରେ ଆମେରିକା ଓ ଇସ୍ରାଏଲର ଆକ୍ରମଣ ବିଶ୍ୱର ଏନର୍ଜି ସେକ୍ଟରକୁ ପ୍ରଭାବିତ କରିଛି। ଏଥିରେ ସାରା ବିଶ୍ୱରେ ତୈଳର ଦରରେ ବ୍ୟାପକ ବୃଦ୍ଧି ହୋଇଛି । ଇରାନର ଷ୍ଟ୍ରେଟ୍ ଅଫ୍ ହୋର୍ମୁଜରୁ ଜାହାଜ ଗୁଡ଼ିକୁ ରୋକିବାର ଧମକ ପରେ ଅଶୋଧିତ ତୈଳ ଦର ଉପରେ ପ୍ରଭାବ ପଡ଼ିଛି।
ଭାରତ ସରକାରଙ୍କ ପିଆଇବି ଏକ ବିବୃତ୍ତିରେ କହିଛି ନୂଆ ଦିଲ୍ଲୀ ଏମିତି ତୈଳ କ୍ରୟ ପାଇଁ ସର୍ଟ-ଟର୍ମ ଉପରେ ନିର୍ଭରଶୀଳ ନୁହେଁ। ଭାରତ ରୁଷୀୟ ତୈଳ କ୍ରୟ ପାଇଁ କେବେ ବି କୌଣସି ଦେଶର ଅନୁମତି ଉପରେ ନିର୍ଭର କରେ ନାହିଁ। ବିବୃତ୍ତିରେ ଆହୁରି କୁହାଯାଇଛି ଭାରତ ଫେବ୍ରୁଆରୀ ୨୦୨୬ରେ ମଧ୍ୟ ରୁଷିଆ ତୈଳ ଆମଦାନୀ କରିଛି ଏବଂ ରୁଷ୍ ଏବେ ମଧ୍ୟ ଭାରତର ସବୁଠୁ ବଡ଼ କ୍ରୁଡ୍ ଅଏଲ ସପ୍ଲାୟର। ଆମେରିକା ଫେବ୍ରୁଆରୀରେ ଏକ ମଧ୍ୟବର୍ତ୍ତୀକାଳୀନ ଟ୍ରେଡ୍ ଡିଲ୍ ଅନୁସାରେ ଭାରତୀୟ ଏକ୍ସପୋର୍ଟ ଉପରେ ୨୫ ପ୍ରତିଶତ ଡ୍ୟୁଟି ଫେରସ୍ତ ନେଇ ଥିଲା, ଯାହାକୁ ସେ ରୁଷିଆ ତୈଳ କିଣିବା ବନ୍ଦ କରିବାକୁ ନୂଆ ଦିଲ୍ଲୀର କମିଟମେଣ୍ଟ ଭାବେ କହିଥିଲା।
ଭାରତ ନିକଟରେ ତୈଳ ଅଭାବ ସ୍ଥିତିରୁ ବର୍ତ୍ତିବା ପାଇଁ ୨୫୦ ମିଲିୟନ ବ୍ୟାରେଲରୁ ଅଧିକ କ୍ରୁଡ୍ ପେଟ୍ରୋଲିୟମ ଗଚ୍ଛିତ ରହିଛି। ଆମେରିକା ବିବୃତି ପରେ ଏହାକୁ ନେଇ ଭାରତ ସରକାର ସାରା ଦେଶରେ ତୀବ୍ର ଆକ୍ଷେପର ସରବ୍ୟ ହୋଇଥିଲେ ।
