ଓଡ଼ିଶା ଲିଡ୍ସ(ଯାଜପୁର): ସୁକିନ୍ଦା ନିର୍ବାଚନ ମଣ୍ଡଳୀ ରାଁସୋଳ ପଞ୍ଚାୟତ ମହୁଲଖାଲ ଗ୍ରାମ ସ୍କୁଲ ପାଖ ରାସ୍ତାରେ ଗତ କାଲି ରାତି ପ୍ରାୟ ୧୦ଟା ୩୦ରେ ଏକ କାର ଭାରସାମ୍ୟ ହରାଇ ଓଲଟି ପଡିବାରୁ ୨ଜଣଙ୍କର ମୃତ୍ୟୁ ହୋଇଥିଲା ବେଳେ ୩ ଜଣ ଗୁରୁତର ଆହତ ହୋଇଛନ୍ତି । ମୃତକ ହେଉଛନ୍ତି ମହୁଲଖାଲ ଗ୍ରାମର ସଂଜୟ କୁମାର ମହାନ୍ତ(ଗେଡୁ) ଓ କାଦୁଅବନ୍ଦୀ ଗ୍ରାମର ବିଶ୍ଵନାଥ ମହାନ୍ତ (ବିଶୁ) । ଏହି ଦୁଃଖଦ ଘଟଣା ଖଣି ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି । ଏହି ଖବର ପାଇ ପୂର୍ବତନ ମନ୍ତ୍ରୀ ଇଂ ପ୍ରୀତିରଞ୍ଜନ ଘଡାଇ ଗଭୀର ଶୋକ ପ୍ରକାଶ କରିବା ସହିତ ପ୍ରଭୁ ଜଗନ୍ନାଥଙ୍କ ନିକଟରେ ତାଙ୍କ ପରିବାର ବର୍ଗଙ୍କୁ ଶକ୍ତି ପ୍ରଦାନ କରିବାକୁ ପ୍ରାର୍ଥନା କରିଛନ୍ତି । ଅପରପକ୍ଷେ ଆହତଙ୍କ ଦ୍ରୁତ ଆରୋଗ୍ୟ କାମନା କରିଛନ୍ତି ପୂର୍ବତନ ମନ୍ତ୍ରୀ ।
orissaleads@admin
June 10, 2025
