ନରେନ୍ଦ୍ର ମୋଦୀ ଷ୍ଟାଡିୟମକୁ ବୋମାରେ ଉଡାଇଦେବୁ, ମେଲରେ ଧମକ ପୂର୍ଣ୍ଣ ଚିଠି

ଓଡ଼ିଶା ଲିଡ୍ସ(ବ୍ୟୁରୋ): ଅପରେଶନ ସିନ୍ଦୁର ଜରିଆରେ ଇଣ୍ଡିଆନ୍ ଆର୍ମି ପାକିସ୍ତାନ ଏବଂ ପାକିସ୍ତାନ କବଜାରେ ଥିବା କାଶ୍ମୀରର ୯ଟି ଠିକଣାକୁ ଟାର୍ଗେଟ୍ କରି ଧ୍ବଂସ କରିଛି ।
ଭାରତୀୟ ସେନା ପହଲଗାମ ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା କାର୍ଯ୍ୟ ଆରମ୍ଭ କରିଛି । ଶତ୍ରୁଦେଶ ପାକିସ୍ତାନ ଏବେ ଥରହର । ବିଶ୍ୱର ସର୍ବାଧିକ ଲୋକପ୍ରିୟ କ୍ରିକେଟ ପ୍ରତିଯୋଗିତା ଆଇପିଏଲ୍ ୨୦୨୫ ଚାଲିଥିବା ବେଳେ ପାକିସ୍ତାନ ନାମରେ ଆସିଥିବା ମେଲରେ ଅହମ୍ମଦାବାଦରେ ଥିବା ନରେନ୍ଦ୍ର ମୋଦୀ କ୍ରିକେଟ୍ ଷ୍ଟାଡିୟମକୁ ବୋମାରେ ଉଡ଼ାଇ ଦେବା ପାଇଁ ଧମକ ମିଳିଛି । ଗୁଜୁରାଟ କ୍ରିକେଟ୍ ଆସୋସିଏସନର ଅଫିସିଆଲ୍ ଇ-ମେଲରେ ଷ୍ଟାଡିୟମକୁ ଉଡାଇ ଦେବାକୁ ଧମକ ମିଳିଛି । ତେବେ ଇମେଲ୍ ମିଳିବା କ୍ଷଣି ଏବେ ସୁରକ୍ଷା ବ୍ୟବସ୍ଥାକୁ କଡା କଡ଼ି କରାଯାଇଛି । ଏହି ମେଲରେ ଲେଖାଯାଇଛି, ଆମେ ତୁମ ଷ୍ଟାଡିୟମକୁ ବୋମାରେ ଉଡାଇଦେବୁ ।