ମୁଁ ତୁମ ପରିବାରର ଲୋକ, ମୁଁ ତୁମ ସହିତ ଅଛି
ଓଡ଼ିଶା ଲିଡ୍ସ(ଯାଜପୁର): ସୁକିନ୍ଦା ବ୍ଲକ ଅନ୍ତର୍ଗତ ଓଳିଆ ପଞ୍ଚାୟତର ଧଉରା ସାହିରେ ଅଗ୍ନିକାଣ୍ଡ ଘଟି କେଶବ ମୁଣ୍ଡା, ବିପିନ୍ ମୁଣ୍ଡା, ବିର୍ସା ମୁଣ୍ଡା ଏବଂ ମହେଶ୍ୱର ମୁଣ୍ଡାଙ୍କ ଘର ସହିତ ସମସ୍ତ ଆସବାବପତ୍ର ପୋଡ଼ି ପାଉଁଶ ହୋଇ ଯାଇଛି । ଏହି ଖବର ପାଇ ବିପନ୍ନ ପରିବାର ବର୍ଗଙ୍କ ନିକଟରେ ପହଞ୍ଚିଛନ୍ତି ଇଂ ପ୍ରୀତିରଞ୍ଜନ ଘଡାଇ । ଘଟଣା ସ୍ଥଳ ବୁଲି ଦେଖିବା ସହିତ ପରିବାର ବର୍ଗଙ୍କ ସହିତ ଅଗ୍ନିକାଣ୍ଡରେ କ୍ଷୟକ୍ଷତି ବିଷୟରେ ପଚାରି ବୁଝିଥିଲେ ।
ବିପଦ ସମୟରେ ଅଧର୍ଯ୍ୟ ନହେବାକୁ ଓ ବିପଦକୁ ସମ୍ମୁଖୀନ ହେବାକୁ ପରାମର୍ଶ ଦେବା ସହିତ ମୁଁ ତୁମ ପରିବାର ସଦସ୍ୟଙ୍କ ଭଳି, ଏଭଳି ବିପଦ ସମୟରେ ମୁଁ ତୁମ ସହିତ ଅଛି ବୋଲି କହି ସେମାନଙ୍କୁ ସାନ୍ତ୍ୱନା ଦେଇଥିଲେ । ସେମାନଙ୍କ ପାଇଁ ତୁରନ୍ତ ଆବଶ୍ୟକୀୟ ଜିନିଷ ପତ୍ର ଯୋଗାଇ ଦେଇଥିଲେ ।
ନିଜ ରାଜନୀତି ଜୀବନରେ ଅସହାୟ ଲୋକଙ୍କୁ ସାହାଯ୍ୟର ହାତ ବଢ଼ାଇ ବହୁ ସମୟରେ ଉଦାହରଣ ସୃଷ୍ଟି କରିଛନ୍ତି ଇଂ ଘଡାଇ । ଅଭାବ ଅସୁବିଧାରେ ପଡିଥିବା ଲୋକ ନିକଟରେ ପହଞ୍ଚି ସବୁ ସ୍ତରରେ ସହାୟତା ପ୍ରଦାନ କରିବାର ବହୁ ନଜିର ରହିଛି ଡ୍ୟାନିଙ୍କ ନାମରେ ।
