ଓଡ଼ିଶା ଲିଡ୍ସ(ବ୍ୟୁରୋ): ଭାରତୀୟ T-29 ଦଳର ଅଧିନାୟକ ଥିବା ସୂର୍ଯ୍ୟକୁମାର ଯାଦବଙ୍କ ଅଧିନାୟକ ପଦବୀ ଏବେ ବିପଦରେ । ଭାରତକୁ ଟ୍ବେଣ୍ଟି-୨୦ ବିଶ୍ବକପ୍ ଚାମ୍ପିଅନ୍ କରିବା ସତ୍ତ୍ବେ ଅଧିନାୟକ ସୂର୍ଯ୍ୟକୁମାର ଯାଦବ ନିଜ ଫର୍ମକୁ ନେଇ ସଂଘର୍ଷ କରୁଛନ୍ତି । ତାଙ୍କ ବ୍ୟାଟରୁ ଆଉ ରନ ବାହାରୁ ନାହିଁ । ଫଳରେ ତାଙ୍କ ଉପରେ ଚୟନ କମିଟି ସନ୍ତୁଷ୍ଟ ନାହାନ୍ତି ବୋଲି ଚର୍ଚ୍ଚା ହେଉଛି । ଫଳରେ ଚୟନ କମିଟି ଆଗକୁ ତାଙ୍କୁ ନେତୃତ୍ୱ ଭାର ଦେବାକୁ ପ୍ରସ୍ତୁତ ନଥିବା କୁହା ଯାଉଛି । ଅଜିତ ଅଗରକରଙ୍କ ନେତୃତ୍ବାଧୀନ ଚୟନ କମିଟି ନୂତନ ଅଧିନାୟକ ନେଇ ଯୋଜନା ପ୍ରସ୍ତୁତ କରୁଥିଲା ବେଳେ ଶ୍ରେୟସ ଆୟାର ଚୟନ କମିଟିର ପ୍ରଥମ ପସନ୍ଦ ବୋଲି କୁହା ଯାଉଛି । ଆଗାମୀ ଆୟର୍ଲାଣ୍ଡ ଓ ଇଂଲଣ୍ଡ ଗସ୍ତ ପାଇଁ ସୂର୍ଯ୍ୟଙ୍କୁ ହଟାଇ ଶ୍ରେୟସ୍ ଆୟରଙ୍କୁ ଅଧିନାୟକ କରାଯାଇପାରେ ।
ଚଳିତ ଆଇପିଏଲରେ ପଞ୍ଜାବ କିଙ୍ଗ୍ସ ଦଳର ଅଧିନାୟକ ଥିବା ଶ୍ରେୟସଙ୍କ ଦକ୍ଷ ନେତୃତ୍ବ ଓ ବ୍ୟାଟିଂ ଫର୍ମରେ ଖୁସି ଅଛନ୍ତି ଚୟନ କମିଟି। ଆଇପିଏଲ୍ ଋତୁରେ ଏପର୍ଯ୍ୟନ୍ତ ୯ ମ୍ୟାଚ୍ ଖେଳି ୩୩୩ ରନ୍ କରିଛନ୍ତି । ଏପରିକି ପଞ୍ଜାବ ଖେଳିଥିବା ପ୍ରଥମ ସାତଟି ମ୍ୟାଚ୍ରୁ ଛଅଟିରେ ବିଜୟ ହାସଲ କରିଥିଲା। ଏଣୁ ତାଙ୍କୁ ଭାରତୀୟ ଟ୍ବେଣ୍ଟି-୨୦ ଦଳର ନେତୃତ୍ବ ଦିଆଯାଇପାରେ ବୋଲି ଚର୍ଚ୍ଚା ହେଉଛି । କେବଳ ସେତିକି ନୁହେଁ ଦିନିକିଆ ଓ T-20 ଫର୍ମାଟ୍ ଲାଗି ଜଣକୁ ଅଧିନାୟକ କରିବା ଲାଗି ବୋର୍ଡ ବିଚାର କରୁଥିବା ରିପୋର୍ଟ ପ୍ରକାଶ ପାଇଛି । ଏପରି ହେଲେ ଶୁବମନ ଗିଲ ମଧ୍ୟ ନିଜ ପଦବୀ ହରାଇବା ନିଶ୍ଚିତ । ଉଭୟ ଦଳରେ ଶ୍ରେୟସ ଅଧିନାୟକ ହେବା ଏକ ପ୍ରକାର ନିଶ୍ଚିତ ଥିବା କୁହା ଯାଉଛି
