ଓଡ଼ିଶା ଲିଡ୍ସ(ବ୍ୟୁରୋ): ସାରା ଦେଶର ନଜର ଏବେ ଜେନ୍-ଜିଙ୍କ ଉପରେ ଜେନ୍ଦ୍ରୀଭୂତ । ଠିକ ଏହି ସମୟରେ ଦେଶର ଜେନ-ଜି ମାନଙ୍କୁ ନେଇ ଅଭିଭାଷଣ ରଖିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । କଟକ ମୁଣ୍ଡଳୀରେ ଜଗଦଗୁରୁ କୃପାଳୁ ବିଶ୍ୱବିଦ୍ୟାଳୟ ଉଦଘାଟନ ସମାରୋହରେ ଯୋଗ ଦେଇ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଯୁବପିଢ଼ିଙ୍କ ନୈତିକ ଆଦର୍ଶ ଓ ମୂଲ୍ୟବୋଧ ଉପରେ ଗୁରୁତ୍ୱ ଦେଇଛନ୍ତି । ସତ୍ୟନିଷ୍ଠ, ଅନୁଶାସନ, ସମ୍ୱେଦନଶୀଳ ଓ ରାଷ୍ଟ୍ରହିତ ଭାବନା ସହ ଜଡିତ ଥିବା ନାଗରିକ ତିଆରି ପାଇଁ ବିଶ୍ୱବିଦ୍ୟାଳୟମାନେ ପରିବେଶ ଓ ପାଠ୍ୟକ୍ରମ ପ୍ରସ୍ତୁତ କରିବା ଉଚିତ ବୋଲି ସେ ଆହ୍ୱାନ ଦେଇଛନ୍ତି । ଏହି କାର୍ଯ୍ୟକ୍ରମରେ ରାଜ୍ୟପାଳ ହରିବାବୁ କମ୍ଭମପାଟି ଏବଂ ମୁଖ୍ୟମନ୍ତ୍ରୀ ମୋହନ ମାଝୀ, ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟ ବଂଶୀ ସୁରଜ ମଧ୍ୟ ସାମିଲ ହୋଇଥିଲେ ।
orissaleads@admin
August 3, 2026
