କଂଗ୍ରେସ ସବୁ ସମୟରେ ସେନା ଏବଂ ସରକାର ସହ ଅଛି, ଆତଙ୍କବାଦର ମୂଳୋତ୍ପାଟନ କରନ୍ତୁ ସରକାର- ରାହୁଲ ଗାନ୍ଧୀ

ଓଡ଼ିଶା ଲିଡ୍ସ (ବ୍ୟୁରୋ): ଅପରେସନ ସିନ୍ଦୂର ପାକିସ୍ତାନକୁ ଥର ହର କରୁଥିଲା ବେଳେ ସେନା କାର୍ଯ୍ୟାନୁଷ୍ଠାନ କୁ ସମର୍ଥନ କରିଛି ମୁଖ୍ୟ ବିରୋଧୀ ଦଳ କଂଗ୍ରେସ । ଏପରି ସମୟରେ ସମସ୍ତ ବିରୋଧୀ ଦଳ ମଧ୍ୟ ସରକାରଙ୍କ କାର୍ଯ୍ୟାନୁଷ୍ଠାନକୁ ସମର୍ଥନ ଦେଇ ଦେଶ ଗର୍ବିତ ବୋଲି ଦୃଢତାର ସହ କହିଛନ୍ତି । ରାତି ଅଧରେ ବେଶ୍ ସଫଳତା ଏବଂ ଟାର୍ଗେଟ ଭିତ୍ତିକ ଆକ୍ରମଣ କରି ଭାରତୀୟ ସେନା ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀର (ପିଓକେ)ରେ ତିନି ଅତଙ୍କବାଦୀ ସଂଗଠନର ୯ଟି ଶିବିର କୁ ଧ୍ୱଂସ କରିବାରେ ସଫଳ ହୋଇଛି । ଜୈଶ-ଇ-ମହମ୍ମଦ, ଲସ୍କର-ଇ-ତଇବା ଏବଂ ହିଜବୁଲ ମୁଜାହିଦ୍ଦିନର ଆଡ୍ଡା ସହିତ କାର୍ଯ୍ୟାଳୟ ମଧ୍ୟ ମାଟିରେ ମିଶିଛି । ଆକ୍ରମଣରେ ଆତଙ୍କବାଦୀ ଆଝାର ମେହେମୁଦର ପରିବାର ସଦସ୍ୟ ମୃତ୍ୟୁ ବରଣ କରିଛନ୍ତି । ଯାହା ଏହି ସନ୍ତ୍ରସବାଦୀକୁ ବିଚଳିତ କରି ଦେଇଛି । ଭାରତୀୟ ସେନାର ଏହି ସଫଳ ଆକ୍ରମଣରେ ଖୁସି ପ୍ରକାଶ କରିଛନ୍ତି ବିରୋଧୀ ଦଳ ନେତା ରାହୁଲ ଗାନ୍ଧି । କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ମଧ୍ୟ ସେନାର ଉଚ୍ଚ ପ୍ରଶଂସା କରିଛନ୍ତି ।