ଓଡ଼ିଶା ଲିଡ୍ସ(ଯାଜପୁର):ଆଜି ଯାଜପୁର ରୋଡ ଟାଉନ୍ ହଲ ଠାରେ ସହୀଦ ଭଗତ ସିଂ ଯୁବକ ସଂଘ ପକ୍ଷରୁ ଆୟୋଜିତ ହୋଇଛି ରାଜ୍ୟ ସ୍ତରୀୟ ୬୧ ତମ ବିଶ୍ୱ ଧଳାବାଡି ଦିବସ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇଥିଲେ ପୂର୍ବତନ ମନ୍ତ୍ରୀ ଇଂ ପ୍ରୀତିରଞ୍ଜନ ଘଡାଇ ।
ଏହି ଅବସରରେ ଇଂ ଘଡାଇ ଦୃଷ୍ଟିହୀନ ଭାଇ-ଭଉଣୀଙ୍କ ସମାନ ଅଧିକାର, ସୁବିଧା ଓ ସମ୍ମାନ ବିଷୟରେ ଆଲୋଚନା କରିଥିଲେ ।
ଏହି କାର୍ଯ୍ୟକ୍ରମରେ ଜଣେ ପ୍ରେରଣାଦାୟକ ଦୃଷ୍ଟିହୀନ ଯୁବକ ମହେଶ କୁମାର ପଣ୍ଡାଙ୍କୁ ସମ୍ମାନିତ କରିଥିଲେ ଇଂ ଘଡାଇ । ସେ ଓଡ଼ିଶା ପ୍ରଶାସନିକ ସେବା ପରୀକ୍ଷା ଫଳର ତାଲିକାରେ ୩୦୦ ସ୍ଥାନରେ ରହି କୃତକାର୍ଯ୍ୟ ହୋଇଛନ୍ତି । ଏହି ଅବସରରେ ଇଂ ଘଡାଇ କହିଥିଲେ ତାଙ୍କର ଏଭଳି ସଫଳତା ସମସ୍ତଙ୍କ ପାଇଁ ପ୍ରେରଣାର ଉତ୍ସ। ଆସନ୍ତୁ, ସମସ୍ତେ ମିଶି ସହାନୁଭୂତିଶୀଳ ଓ ସୁସ୍ଥ ସମାଜ ଗଢ଼ିବାରେ ଅଗ୍ରସର ହେବା ।
