ଓଡ଼ିଶା ଲିଡ୍ସ(ଯାଜପୁର): ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଆନୁକୁଲ୍ୟରେ ଆନ୍ତଃ ଉଚ୍ଚ ମାଧ୍ଯମିକ ବ୍ୟାଡମିଣ୍ଟନ ପ୍ରତିଯୋଗିତା ଯାଜପୁର ଇଣ୍ଡୋର ଷ୍ଟାଡିଉମରେ ନରସିଂହ ଚୌଧୁରୀ ଉଚ୍ଚ ମାଧ୍ୟମିକ ବିଦ୍ୟାଳୟ ପକ୍ଷରୁ ଅନୁଷ୍ଠିତ ହୋଇ ଯାଇଅଛି । ଏହି ପ୍ରତିଯୋଗୀତାରେ ୨୨ ଗୋଟି ଦଳ ପକ୍ଷରୁ ୧୦୦ ଜଣରୁ ଉର୍ଦ୍ଧ୍ଵ ଖେଳାଳି ଭାଗ ନେଇ ଥିଲେ । ଫାଇନାଲ ମ୍ୟାଚରେ ବାଳକ ବିଭାଗରେ ନରସିଂହ ଚୌଧୁରୀ ଉଚ୍ଚ ମାଧ୍ୟମିକ ବିଦ୍ୟାଳୟକୁ ପରାସ୍ତ କରି ସିନ୍ଦୋଳର ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ ବିଜୟୀ ହୋଇଥିଲା । ବାଳିକା ବିଭାଗରେ ରେଭେନଶା ଉଚ୍ଚ ମାଧ୍ୟମିକ ବିଦ୍ୟାଳୟକୁ ରାୟଗଡା ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ପରାସ୍ତ କରି ବିଜୟୀ ହୋଇଥିଲା। ଉକ୍ତ ପ୍ରତିଯୋଗୀତା ଖେଳ ଶିକ୍ଷକ ରଞ୍ଜନ ସୁତାରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନ ରେ ଆୟୋଜିତ ହୋଇଥିଲା।
ଉଦଯାପନି ଉତ୍ସବରେ ନରସିଂହ ଚୌଧୁରୀ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ଡକ୍ଟର ରଞ୍ଜନ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ପୁରସ୍କାର ବିତରଣ କରିଥିଲେ। କାର୍ଯ୍ୟକ୍ରମରେ ଅନ୍ୟ ସମ୍ମାନିତ ଅତିଥ୍ୟ ଭାବେ ଦିବ୍ଯଲୋଚନ ସିଂହ ଯୋଗ ଦେଇଥିଲେ ।
ପ୍ରକାଶ କୁମାର ଲାଲା, ସମୀର କୁମାର ସାହୁ, ଜ୍ୟୋତିର୍ମୟ ନାଥଶର୍ମା, ରିତେନ୍ଦ୍ର ବିଶ୍ବାଳ, ଜିତେନ୍ଦ୍ର ମହାନ୍ତି, ଲୋକନାଥ ମହାପାତ୍ର, ସଂଜୀବ ଭଦ୍ର, କିଷାନ ପଣ୍ଡା, କ୍ଷୀରୋଦ ହାତୀ, ସସ୍ମିତା ରଣା ଓ ମହେଶ୍ବର ବିଶ୍ବାଳ ଖେଳ ପରିଚାଳନା କରିଥିଲେ। କାର୍ଯ୍ୟକ୍ରମ ଶେଷରେ ରଞ୍ଜନ ସୁତାର ଧନ୍ୟବାଦ ଅର୍ପଣ କରିଥିଲେ ।
