ବୁଢ଼ା ପୋଲ ଛକ: ରାସ୍ତାରେ ହେଉଛି ବେପାର, ପୋଲିସ ନିରବ

ଓଡ଼ିଶା ଲିଡ୍ସ(ଯାଜପୁର): ଜିଲ୍ଲାର ଅନ୍ୟତମ ବ୍ୟସ୍ତ ବହୁଳ ରାସ୍ତା କୁଆଖିଆ-ବରୁଆଁ-ଯାଜପୁର ରାସ୍ତା । ଦୈନିକ ହଜାର ହଜାର ଗାଡି ସହିତ ବହୁ ସମୟରେ ଏହି ରାସ୍ତାରେ ଆମ୍ବୁଲାସ ଗତାଗତ କରୁଛି । ହେଲେ ଏହି ରାସ୍ତାର ବୁଢ଼ା ପୋଲ ଛକ ସବୁ ସମୟରେ ଟ୍ରାଫିକ ସମସ୍ୟା ସୃଷ୍ଟି କରୁଛି । ଏହି ଛକର ଉଭୟ କଡ଼ରେ ଦୋକାନ ମାନ ରହିଛି । ଦୋକାନ ଗୁଡିକ ମଧ୍ୟରୁ ଅଧିକ ସଂଖ୍ୟାରେ ପରିବା ଦୋକାନ ରହିଛି । ଏହି ପରିବା ବ୍ୟବସାୟୀ ମାନେ ନିଜ ଦୋକାନରେ ପରିବା ବିକ୍ରି ନକରି ରାସ୍ତା ଉପରେ ପରିବା ବିକ୍ରି କରୁଛନ୍ତି । ଏହା ଫଳରେ ଲୋକମାନେ ରାସ୍ତା ଉପରେ ଗାଡି ରଖି ପରିବା କିଣୁଛନ୍ତି । ଯାହା ଗୁରୁତର ଟ୍ରାଫିକ ସମସ୍ୟା ସୃଷ୍ଟି କରୁଛି । ବହୁ ସମୟରେ ରାସ୍ତା ଜାମ ହେବାରୁ ରାସ୍ତାର ଦୁଇ କଡ଼ରେ ଗାଡି ଛିଡା ହୋଇ ରହୁଛି । ଭିଡ଼ ଭିତରେ ଆମ୍ବୁଲାନ୍ସ ମଧ୍ୟ ଅଟକି ରହୁଛି । ହେଲେ ଏଥିପ୍ରତି ସଦର ପୋଲିସ କିମ୍ବା ପ୍ରଶାସନ ଦୃଷ୍ଟି ଦେଉ ନାହିଁ । ତୁରନ୍ତ ଏହି ଛକରେ ଜବର ଦଖଲ ଉଚ୍ଛେଦ କରିବାକୁ ସାଧାରଣରେ ଦାବି ହୋଇଛି ।