ଓଡ଼ିଶା ଲିଡ୍ସ(ବ୍ୟୁରୋ): ବିଜେଡିରୁ ନିଲମ୍ବିତ ବିଧାୟକଙ୍କୁ ସ୍ୱାଗତ କରିବା ଓ ଏହା ପରେ ଦଳ ପକ୍ଷରୁ ବିଧାୟକଙ୍କୁ ସ୍ୱାଗତ କରିଥିବା ନେତାଙ୍କୁ ନିଲମ୍ବିତ କରିବା ବାଲିଗୁଡା ବିଜେଡିରେ ଭୂକମ୍ପ ସୃଷ୍ଟି କରିଛି । ଏହା ପରେ ଦଳୀୟ ନେତା ଯେଉଁ ପଦକ୍ଷେପ ନେଲେ ତାହା ବିଜେଡିକୁ ଅକଳରେ ପକାଇ ଦେଇଛି । ଆଜି ବାଲିଗୁଡ଼ା ଏନଏସି ଅଧ୍ୟକ୍ଷଙ୍କ ସମେତ ୧୧ ଜଣ କାଉନସିଲର ବିଜେଡିରୁ ଇସ୍ତଫା ଦେଇଛନ୍ତି । ଏହା ସହିତ ବାଲିଗୁଡ଼ା ବିଧାୟକଙ୍କୁ ସ୍ବାଗତ କରିଥିବା ୨ ନେତାଙ୍କ ନିଲମ୍ବନକୁ ମଧ୍ୟ ତୀବ୍ର ବିରୋଧ କରାଯାଇଛି । ଦଳର ପଦକ୍ଷେପକୁ ବିରୋଧ କରି ଏନଏସି ଅଧ୍ୟକ୍ଷଙ୍କ ସମେତ ୧୧ କାଉନସିଲର ଦଳର ପ୍ରାଥମିକ ସଦସ୍ୟ ପଦରୁ ମଧ୍ୟ ଇସ୍ତଫା ପ୍ରଦାନ କରିଛନ୍ତି । କେବଳ ସେତିକି ନୁହେଁ ତୁମୁଡ଼ିବନ୍ଧ, କ. ନୂଆଗାଁ ଏବଂ ବାଲିଗୁଡ଼ା ବ୍ଲକ ଅଧ୍ୟକ୍ଷ ମଧ୍ୟ ଦଳରୁ ଇସ୍ତଫା ଦେଇଛନ୍ତି । ଆଜି ଇସ୍ତଫା ପ୍ରଦାନ ବେଳେ ଦଳୀୟ ପର୍ଯ୍ୟବେକ୍ଷକ ତଥା ବିଜେଡି ସାଧାରଣ ସମ୍ପାଦକ ବିଜୟ ନାୟକଙ୍କ କୁଶ ପୁତ୍ତଳିକା ଦାହ କରି ନେତାମାନେ ଇସ୍ତଫା ଦେଇଛନ୍ତି ।
ଦଳୀୟ ନେତା ଓ କର୍ମୀ ମାନେ ବିଜୟ ନାୟକଙ୍କ କାର୍ଯ୍ୟଧାରାକୁ ତୀବ୍ର ବିରୋଧ କରୁଥିବା ଦେଖିବାକୁ ମିଳିଥିଲା ।
orissaleads@admin
June 6, 2026
