ସମଗ୍ର ଭାରତର ୧୫ ହଜାର କିମି ଉପକୂଳବର୍ତ୍ତୀ ଅଞ୍ଚଳରେ ପଦଯାତ୍ରା କରିବେ ୟୁଟ୍ୟୁବର ଆଦି କୁମାର

ଓଡ଼ିଶା ଲିଡ୍ସ(ବ୍ରହ୍ମଗିରୀ): ଭାରତର ବିବିଧତାକୁ ଅତି ନିକଟରୁ ଦେଖିବା ଏବଂ ଜନସାଧାରଣଙ୍କ ନିକଟରେ ପହଞ୍ଚାଇବା ଲକ୍ଷ୍ୟ ନେଇ ଏକ ଅଭିନବ ଓ ସାହସିକ ପଦଯାତ୍ରାରେ ବାହାରିଛନ୍ତି ୟୁଟ୍ୟୁବର୍ ଆଦି କୁମାର। ଆଦି କୁମାର ନାମରେ ୟୁଟ୍ୟୁବ୍‌ ଜଗତରେ ପରିଚିତ ଏହି ଯୁବକ ସମଗ୍ର ଭାରତ ବର୍ଷର ଉପକୂଳବର୍ତ୍ତୀ ଅଞ୍ଚଳକୁ ପାଦରେ ଚାଲି ଚାଲି ପରିକ୍ରମା କରିବା ପାଇଁ ଏକ ଦୃଢ଼ ସଂକଳ୍ପ ନେଇଛନ୍ତି। ଦୁଇ ବର୍ଷ ମଧ୍ୟରେ ସେ ଏହାକୁ ସମ୍ପୂର୍ଣ୍ଣ କରିବାକୁ ଯୋଜନା କରିଛନ୍ତି । ଆଦି କୁମାରଙ୍କ ଯୋଜନା ଅନୁଯାୟୀ, ସେ ଏହି ସମୟରେ ମୋଟ ୧୫,୦୦୦ କିଲୋମିଟର ପଥ ପଦଯାତ୍ରା କରିବେ। ସମୁଦ୍ର କୂଳେ କୂଳେ ଅତିକ୍ରମ କରିବାକୁ ଥିବା ଏହି ଦୀର୍ଘ ଯାତ୍ରାକୁ ସଫଳ କରିବା ପାଇଁ ସେ ଦୁଇ ବର୍ଷର ସମୟ ନିର୍ଦ୍ଧାରଣ କରିଛନ୍ତି। ଏହି ପଦଯାତ୍ରା କେବଳ ଏକ ଭ୍ରମଣ ନୁହେଁ, ବରଂ ଭାରତୀୟ ସଂସ୍କୃତି, ପରମ୍ପରା ଓ ଉପକୂଳବର୍ତ୍ତୀ ଲୋକଙ୍କ ଜୀବନଶୈଳୀର ଏକ ଜୀବନ୍ତ ଦସ୍ତାବିଜ୍ ହେବ ବୋଲି ସେ ଆଶା ପ୍ରକାଶ କରିଛନ୍ତି । ଆଦି କୁମାରଙ୍କ ଏହି ସାହସିକ ପଦକ୍ଷେପ ବର୍ତ୍ତମାନ ସୋସିଆଲ ମିଡିଆରେ ବେଶ୍ ଚର୍ଚ୍ଚାର ବିଷୟ ପାଲଟିଛି। ତାଙ୍କର ଏହି ନିଷ୍ଠା ଓ ସାହସକୁ ଦେଖି ବହୁ ସଂଖ୍ୟାରେ ଯୁବକମାନେ ଅନୁପ୍ରାଣିତ ହେଉଛନ୍ତି। ଏହି ପଦଯାତ୍ରାର ପ୍ରତିଟି ମୁହୂର୍ତ୍ତ ଏବଂ ତଥ୍ୟକୁ ସେ ତାଙ୍କର ଅଫିସିଆଲ ୟୁଟ୍ୟୁବ୍ ଚ୍ୟାନେଲ୍‌ରେ ଦର୍ଶକଙ୍କ ସହ ଶେୟାର କରୁଛନ୍ତି। ତାଙ୍କର ଏହି ମହତ୍ତ୍ୱାକାଂକ୍ଷୀ ଯାତ୍ରାକୁ ସମସ୍ତେ ସମର୍ଥନ ଓ ଶୁଭେଚ୍ଛା ଜଣାଇବା ସହ ତାଙ୍କର ସଫଳତା କାମନା କରିଛନ୍ତି। ଆଦି କୁମାରଙ୍କ ଯାତ୍ରାର ଅପଡେଟ୍ ପାଇଁ ତାଙ୍କ ୟୁଟ୍ୟୁବ୍ ଚ୍ୟାନେଲ୍‌କୁ ଅନୁସରଣ କରିବାକୁ ସେ ଅନୁରୋଧ କରିଛନ୍ତି।