ଖଣ୍ଡରା ପଞ୍ଚାୟତର ପୂର୍ବତନ ମହିଳା ସରପଞ୍ଚଙ୍କ ପରଲୋକ, ପଞ୍ଚାୟତରେ ଶୋକର ଛାୟା

ଓଡ଼ିଶା ଲିଡ୍ସ(ଦଶରଥପୁର): ଦଶରଥପୁର ବ୍ଲକ ଖଣ୍ଡରା ପଞ୍ଚାୟତର ପୂର୍ବତନ ମହିଳା ସରପଞ୍ଚ ସ୍ନେହଲତା ଦାସଙ୍କର ଦେହାନ୍ତ ହୋଇ ଯାଇଛି । ମୃତ୍ୟୁ ବେଳକୁ ତାଙ୍କୁ ୭୨ବର୍ଷ ବୟସ ହୋଇଥିଲା । ଆଜି ପୂର୍ବାହ୍ନ ପ୍ରାୟ ୧୦ଘଟିକା ସମୟରେ ତାଙ୍କର ପରଲୋକ ହୋଇଛି। ଆଜି ହଠାତ ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କର ମୃତ୍ୟୁ ହୋଇଥିଲା। ଶ୍ରୀମତୀ ଦାସ ୧୯୯୭ ମସିହାରୁ ୨୦୦୨ ପର୍ଯ୍ୟନ୍ତ ଖଣ୍ଡରା ପଞ୍ଚାୟତର ସରପଞ୍ଚ ଭାବେ ଦାୟୀତ୍ୱରେ ଥିଲେ। ୧୯୯୯ ମସିହା ମହାବାତ୍ୟା ସମୟରେ ତାଙ୍କ କାର୍ଯ୍ୟ ପାଇଁ ସେ ପଞ୍ଚାୟତ ଜନସାଧାରଣଙ୍କ ପ୍ରିୟ ହୋଇ ପାରିଥିଲେ । ଜଣେ ମିଷ୍ଟଭାଷୀ, ବନ୍ଧୁବତ୍ସଳ, ଈଶ୍ୱର ବିଶ୍ୱାସୀ ମହିଳା ଭାବେ ସେ ବେଶ ପରିଚିତ ଥିଲେ । ତାଙ୍କ ମୃତ୍ୟୁ ଖବର ଜାଣି ଖଣ୍ଡରା ସରପଞ୍ଚ କୁଞ୍ଜବିହାରୀ ଦାସ, ସମିତିସଭ୍ୟ ରମାକାନ୍ତ ସେଠୀ, ପୂର୍ବତନ ସରପଞ୍ଚ ଚିତ୍ତରଞ୍ଜନ ସାହୁ, ମାଧବୀ ଯେନା, ଶିକ୍ଷାବିତ ଦେବ ଦିବାକର ବିହାରା, ସମାଜସେବୀ ଶିବପ୍ରସାଦ ପଣ୍ଡା, କାଜଲ ସାହୁ, ଯଦୁନାଥ ସାହୁ, ରବିନାରାୟଣ ଧଳ, ବିଜେପି ନେତା ଶ୍ରୀନିବାସ ପରିଡା, ତପନ ଯେନା, ସ୍ବଦେଶ ଜେନା, ଆଶୁତୋଷ ସାହୁ, ତରୁଣ ସ୍ୱାଇଁଙ୍କ ସମେତ ବହୁ ବ୍ୟକ୍ତି ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ। ତାଙ୍କ ବିୟୋଗରେ ବିଜେଡି ଉପ ସଭାପତି ପ୍ରଣବ ପ୍ରକାଶ ଦାସ, ବିଧାୟିକା ସୁଜାତା ସାହୁ, ଜିଲ୍ଲା ବିଜେଡି ସଭାପତି ସରୋଜ ମହାପାତ୍ର, ବରିଷ୍ଠ ବିଜେଡି ନେତା କର୍ଣ୍ଣାଟ କେଶରୀ ଦାସ, ବରିଷ୍ଠ ବିଜେପି ନେତା ଗୌତମ ରାୟ ପ୍ରମୁଖ ଗଭୀର ଶୋକବ୍ୟକ୍ତ କରିଛନ୍ତି । ପୁରୀ ସ୍ୱର୍ଗ ଦ୍ୱାର ଠାରେ ଶେଷକୃତ୍ୟ ସମ୍ପନ୍ନ କରାଯାଇଥିଲା ବେଳେ ଏକମାତ୍ର ପୁତ୍ର ସୂର୍ଯ୍ୟ ନାରାୟଣ ଦାସ ମୁଖାଗ୍ନି ଦେଇଥିଲେ।