ଓଷ୍ଠାର ପ୍ରାକ୍ତନ ରାଜ୍ୟ ସାଧାରଣ ସମ୍ପାଦକ ପୀତବାସ ବେହୁରିଆଙ୍କ ପରଲୋକ

ଓଡ଼ିଶା ଲିଡ୍ସ(ଦଶରଥପୁର): ଆଜି ଦିନ ଓଷ୍ଠାର ପୂର୍ବତନ ରାଜ୍ୟ ସାଧାରଣ ସମ୍ପାଦକ ପୀତବାସ ବେହୁରିଆ (୯୧)ଙ୍କ ପରଲୋକ ହୋଇଯାଇଛି। ସେ ଦୀର୍ଘ ଦିନ ହେବ ଅସୁସ୍ଥ ହୋଇ ଚିକିତ୍ସିତ ହେଉଥିଲେ। ଶିକ୍ଷକତା ସମୟରେ ତାଙ୍କର ଦୃଢ଼ ନେତୃତ୍ୱ ପାଇଁ ରାଜ୍ୟ ଓଷ୍ଠା ମହାସଙ୍ଘର ସାଧାରଣ ସମ୍ପାଦକ ଭାବେ ଦୀର୍ଘ ଦିନ ଶିକ୍ଷକଙ୍କ ବିଭିନ୍ନ ସମସ୍ୟାର ସମାଧାନ ପାଇଁ ସଂଗ୍ରାମ କରିଥିଲେ । ସେ ମା ଜୟ ଚଣ୍ଡୀ ଅନୁଷ୍ଠାନର ଆରମ୍ଭ କରିବା ସହିତ ଆଜୀବନ ସମ୍ପାଦକ, ଯାଜପୁର ପୂର୍ବାଅଞ୍ଚଳ କ୍ରିୟାନୁଷ୍ଠା କମିଟିର ସଭାପତି, ନିଶା ନିବାରଣ ଭଳି ବହୁତ ସଂସ୍କୃତିକ, ସାମାଜିକ, ଶିକ୍ଷା ଅନୁଷ୍ଠାନ ସକ୍ରିୟ ଭାବେ ନେତୃତ୍ୱ ନେଇଥଲେ । ତାଙ୍କ ବିୟୋଗରେ ବିଭିନ୍ନ ମହଲରୁ ଶୋକ ପ୍ରକାଶ ପାଇଛି । ତାଙ୍କ ମର ଶରୀରକୁ ମଙ୍ଗଳପୁରସ୍ଥ ପ୍ରଗତି କଲୋନୀରୁ ଏକ ଶୋଭାଯାତ୍ରାରେ ନିଆଯାଇ କମ୍ୟୁନିଷ୍ଟ ପାର୍ଟି କାର୍ଯ୍ୟାଳୟ, ମଙ୍ଗଳପୁର ବଜାର, ଦୁବକଣ ଉଚ୍ଚ ବିଦ୍ୟାଳୟ, ମା ଜୟ ଚଣ୍ଡୀ ମନ୍ଦିର ପରିକ୍ରମା କରାଯାଇଥିଲା। ପରେ ଯାଜପୁର ଟାଉନ ବାରୁଣୀ ଘାଟରେ ଶେଷକୃତ୍ୟ ସମ୍ପନ୍ନ କରାଯାଇଥିଲା। ପୁଅ ଅଧ୍ୟାପକ ସଞ୍ଜୟ ବେହୁରିଆ ମୁଖାଗ୍ନି ଦେଇଥିଲେ। ତାଙ୍କ ବିୟୋଗରେ ଯାଜପୁର ବିଧାୟିକା ସୁଜାତା ସାହୁ, ବିଞ୍ଝାରପୁର ବିଧାୟିକା ପ୍ରମିଳା ମଲ୍ଲିକ, ପୂର୍ବତନ ସାଂସଦ ରାମ ଚନ୍ଦ୍ର ଖୁଣ୍ଟିଆ, ସମାଜସେବୀ କର୍ଣାଟ କେଶରୀ ଦାସ, ରାଜ୍ୟ ଆଇଏନଟିୟୁସି ଉପ ସଭାପତି ଭରତ ଚନ୍ଦ୍ର ପରିଡା, ସନ୍ତୋଷ ନନ୍ଦ, ସାହୁ,ବିଜେପିର ବରିଷ୍ଠ ନେତା ଗୌତମ ରାୟ, ପୂର୍ବତନ ପଞ୍ଚାୟତ ସମିତି ଅଧ୍ୟକ୍ଷ ରମେଶ ସାମଲ, ବିଜେଡି ଜିଲ୍ଲା ସଭାପତି ସରୋଜ ମହାପାତ୍ର, ମାମିନା ମଲିକ, କମ୍ୟୁନିଷ୍ଟ ନେତା ନବ କିଶୋର ବେହେରା, ଯୁବନେତା ଚନ୍ଦ୍ରଶେଖର ସାହୁ ପ୍ରମୁଖ ଗଭୀର ଶୋକ ପ୍ରକାଶ କରିଛନ୍ତି ।