ଓଡ଼ିଶା ଲିଡ୍ସ(ଯାଜପୁର/ବରୀ): ଭୁବନେଶ୍ୱର ସ୍ଥିତ ଇଣ୍ଟରନ୍ୟାସନାଲ ଗୀତା ମିଶନ ପକ୍ଷରୁ ବରୀ ବ୍ଲକ ନୂଆଗାଁ ସ୍ଥିତ ବଳଦେବ ଜୀଉ ଯୁବକ ସଂଘ ସହଯୋଗରେ ନିଶୁଳ୍କ ସ୍ୱାସ୍ଥ୍ୟ ସେବା ଶିବିର ଓ ରିଲିଫ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଉକ୍ତ ଶିବିରରେ ୫ ଶହରୁ ଉର୍ଦ୍ଧ୍ଵ ରୋଗୀଙ୍କ ସ୍ୱାସ୍ଥ୍ୟ ପରୀକ୍ଷା ସହିତ ମାଗଣା ଔଷଧ ବଣ୍ଟନ କରାଯିବା ସହିତ ରିଲିଫ ବଣ୍ଟନ କରାଯାଇଥିଲା । ଉକ୍ତ ଶିବିରରେ ଏସସିବି ମେଡିକାଲ କଲେଜର ବରିଷ୍ଠ ଭେଷଜ ବିଭାଗ ବିଶେଷଜ୍ଞ ଡାକ୍ତର ଭବାନୀ ଶଙ୍କର ଦାସ ଓ ଟାଙ୍ଗି ଖୋର୍ଦ୍ଧାର ବରିଷ୍ଠ ଭେଷଜ ବିଶେଷଜ୍ଞ ଡାକ୍ତର ମାନସ ରଞ୍ଜନ ବରୀସାଲ ରୋଗୀଙ୍କ ସ୍ୱାସ୍ଥ୍ୟ ପରୀକ୍ଷା କରିଥିଲେ । ଡ଼ଃ ସ୍ୱାମୀ ଚିଦାନନ୍ଦ ବ୍ରହ୍ମଚାରୀଙ୍କ ମାର୍ଗ ଦର୍ଶନରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ଉକ୍ତ ଶିବିରକୁ ଅନୁପ ଦେ, ଝରଣାବାଳା ଦାସ, ସ୍ୱପ୍ନା ସାହୁ, ନମିତା ଦାସ, ଭୁବନେଶ୍ଵରୀ ବରୀସାଲ, ରଶ୍ମିତା ରଥ, ଶ୍ରୀନିବାସ ସାହୁ, ସଚିନ୍ଦ୍ର ଦାସ, ପରେଶ ସ୍ୱାଇଁ, ସଞ୍ଜୟ ରାଉତ, ସଂକର୍ଷଣ ରାଉତ ପ୍ରମୁଖ ପରିଚାଳନା କରିଥିଲେ ।
orissaleads@admin
September 7, 2026
