ଦଶରଥପୁରରେ ବ୍ଲକ ସ୍ତରୀୟ ଜନ ଶୁଣାଣୀ ଶିବିର

ଓଡ଼ିଶା ଲିଡ୍ସ(ଦଶରଥପୁର): ଦଶରଥପୁର ବ୍ଲକ ସମ୍ମିଳନୀ କକ୍ଷରେ ଆଜି ବ୍ଲକସ୍ତରୀୟ ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନାର ସମୀକ୍ଷା ଓ ଜନ ଶୁଣାଣୀ ଶିବିର ଅନୁଷ୍ଠିତ ହୋଇଯାଇଛି। ପଞ୍ଚାଯତ ସମିତି ଅଧକ୍ଷ ଦିଗାମ୍ବର ମଲ୍ଲିକଙ୍କ ପୌରାହିତ୍ୟରେ ଅନୁଷ୍ଠିତ ଏହି ସମୀକ୍ଷା ଶିବିରରେ ମୁଖ୍ୟ ଅତିଥିଭାବେ ଅତିରିକ୍ତ ଜିଲ୍ଲାପାଳ ଶିବାନନ୍ଦ ସ୍ୱାଇଁ (ରାଜସ୍ବ), ଦଶରଥପୁର ବିଡ଼ିଓ ଆକାଶ ପଟ୍ଟନାୟକ, ଏବିଡ଼ିଓ ତ୍ରିଲୋଚନ ସେଠୀ, ସହକାରୀ ଯନ୍ତ୍ରୀ ରାହାସ ବିହାରୀ ଜେନା ଉପସ୍ଥିତ ରହି ବିଭିନ୍ନ ଅଭିଯୋଗର ଶୁଣାଣି କରିଥିଲେ।ଏପିଓ ଭକ୍ତିଲତା ମହାରଣା ଶିବିର ସଂଚାଳନ କରିଥିବା ବେଳେ ବିଡ଼ିଓ ଶ୍ରୀ ପଟ୍ଟନାୟକ ପ୍ରାରମ୍ଭିକ ସୂଚନା ଦେଇଥିଲେ। ଜିଲ୍ଳା ସାମାଜିକ ସମୀକ୍ଷକ ଅମର କିଶୋର ସାହୁ ସମୀକ୍ଷା ବିବରଣୀ ପ୍ରକାଶ କରିବା ପରେ ବିଭିନ୍ନ ପଞ୍ଚାୟତ ଅଧିକାରୀ ଅନ୍ୟମାନଙ୍କ ଅଭିଯୋଗ ସମ୍ପର୍କରେ ମତାମତ ଉପସ୍ଥାପନ କରିଥିଲେ। ଶିବିରରେ ଦଶରଥପୁର ବ୍ଲକ ସମୀକ୍ଷା କମିଟି ସଦସ୍ୟ ମହେଶ୍ୱର ସାହୁ, ରମାକାନ୍ତ ସାମଲ, ମୃତ୍ତିକା ସଂରକ୍ଷଣ, ଉଦ୍ୟାନ ତଥା ଅନ୍ୟ ଲାଇନ ବିଭାଗର କର୍ମକର୍ତ୍ତା ଯୋଗ ଦେଇ ଆଗତ ଅଭିଯୋଗ ଗୁଡିକର ଉତ୍ତର ଦେଇଥିଲେ। ଏହି ଅବସରରେ ବ୍ଲକ ଅନ୍ତର୍ଗତ ଏକାଧିକ ପଞ୍ଚାୟତର ସରପଞ୍ଚ ଯୋଜନାରେ ବାକି ରହିଥିବା ପ୍ରକଳ୍ପ କାର୍ଯ୍ୟକୁ ତ୍ୱରାନ୍ୱିତ କରିବାକୁ ପରାମର୍ଶ ଦେଇଥିବା ବେଳେ ମୁଖ୍ୟତଃ ଭୂତଳ ଜଳ ସ୍ତର ଧୀରେ ଧୀରେ ହ୍ରାସ ପାଉଥିବାରୁ ଉଦବେଗ ପ୍ରକାଶ କରିବା ସହ ଏହାର କିଛି ମାତ୍ରାରେ ଉପଶମ ନିମନ୍ତେ ବ୍ଲକର ବିଭିନ୍ନ ପଞ୍ଚାଯତ ମାନଙ୍କରେ ଜଳାଶୟ/ପୁଷ୍କରିଣୀ ଖନନ ନିମନ୍ତେ ପ୍ରୟାସ କରିବା ଦରକାର ବୋଲି ମତ ଦେଇଥିଲେ। ଅନୁଷ୍ଠିତ ଶିବିରରେ ସମସ୍ତ ସରପଞ୍ଚ, ସମିତିସଭ୍ୟ/ସଭ୍ୟା, ଏମଏନଆରଇଜିଏସଙ୍କ ସମେତ ଅନ୍ୟ କର୍ମଚାରୀମାନେ ଯୋଗ ଦେଇଥିଲେ।