ଓଡ଼ିଶା ଲିଡ୍ସ(ଦଶରଥପୁର): ନିୟମିତ ଦରମା ମିଳୁନଥିବାରୁ ୨ ଦିନ ହେଲା ଧାରଣାରେ ବସିଛନ୍ତି ବସ ଷ୍ଟାଣ୍ଡ କର୍ମଚାରୀ । ଦରମା ନମିଳିବା ପର୍ଯ୍ୟନ୍ତ କାର୍ଯ୍ୟ ବନ୍ଦ ରହିବ ବୋଲି କର୍ମଚାରୀ ମାନେ ସୂଚନା ଦେଇଛନ୍ତି । ଗତ ୯ ମାସ ହେଲା ବସ ଷ୍ଟାଣ୍ଡ କର୍ମଚାରୀ ମାନେ କାର୍ଯ୍ୟ କରୁଥିବାବେଳେ ମାତ୍ର ୪ ମାସର ଦରମା ସେମାନେ ପାଇଛନ୍ତି। ଏଣୁ ଆଉ ୫ ମାସ ହେଲା ସେମାନେ ଦରମା ପାଇନାହାନ୍ତି। ଏଥିନେଇ ବସ ଷ୍ଟାଣ୍ଡ କର୍ମଚାରୀ ମାନେ ଜିଲ୍ଲାପାଳଙ୍କୁ ଅଭିଯୋଗ କଲେ ମଧ୍ୟ ତାର କୌଣସି ସମାଧାନ ହେଉନାହିଁ ବୋଲି ଅଭିଯୋଗ ହୋଇଛି । ଦରମା ନମିଳିବାରୁ କର୍ମଚାରୀ ମାନେ ବିଭିନ୍ନ ସମସ୍ୟା ଦେଇ ଗତି କରୁଛନ୍ତି । ତୁରନ୍ତ ଏହାର ସମାଧାନ ପାଇଁ ସେମାନେ ଦାବି କରିଛନ୍ତି । ସୂଚନା ଅନୁସାରେ ଗତ ଜାନୁୟାରୀ ମାସ ୧୨ ତାରିଖରେ ଦଶରଥପୁର ବ୍ଲକ କନିକାପଡା-ମଙ୍ଗଳପୁର ବସ ଷ୍ଟାଣ୍ଡକୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଭିଡିଓ କନ୍ମଫରେନ୍ସ ଦ୍ବାରା ଉଦଘାଟନ କରିଥିଲେ। ଷ୍ଟାଣ୍ଡରେ ନିଯୁକ୍ତି ପାଇଥିବା ସିକ୍ୟୁରିଟି ଗାର୍ଡ, ସୁଇପର, ଟିକେଟ କାଉଣ୍ଟର କର୍ମଚାରୀ, ସୁପରଭାଇଜର ଭଳି ୩୦ ରୁ ଅଧିକ କର୍ମଚାରୀ ଏବେ କାର୍ଯ୍ୟ କରୁଛନ୍ତି।
orissaleads@admin
September 27, 2026
