ଓଡ଼ିଶା ଲିଡ୍ସ(ବ୍ୟୁରୋ): ନ୍ୟୁଜିଲାଣ୍ଡ ବିପକ୍ଷ ଟି-୨୦ ସିରିଜ୍ ଜିତି ନେଇଛି ଭାରତ । ତୃତୀୟ ଟି-୨୦କୁ ୮ ୱିକେଟରେ ଜିତିବା ସହ ଆଗୁଆ ସିରିଜ୍ ବିଜୟୀ ହୋଇଛି ଭାରତ ।
ପ୍ରଥମେ ବ୍ୟାଟିଂ କରି ଭାରତ ସମ୍ମୁଖରେ ୧୫୪ ରନର ବିଜୟ ଲକ୍ଷ୍ୟ ରଖିଥିଲା ନ୍ୟୁଜିଲାଣ୍ଡ । ଯାହାକୁ ଦୁଇଟି ଉଇକେଟ ବିନିମୟରେ ୧୦ ଓଭରରେ ହାସଲ କରିଥିଲା ଭାରତ । ଭାରତ ପ୍ରଥମ ବଳରେ ସଞ୍ଜୁ ସାମସନଙ୍କ ଉଇକେଟ ହରାଇଥିଲା । ହେଲେ ଇଶାନ କିଷାନ ଓ ଅଭିଷେକ ଶର୍ମା ଜୋରଦାର ଆକ୍ରମଣ କରି ନ୍ୟୁଜିଲାଣ୍ଡ ବୋଲିଂ ମେରୁଦଣ୍ଡକୁ ଭାଙ୍ଗି ଦେଇଥିଲେ । ଇଶାନ ଆଉଟ ହେବା ପରେ ଅଭିଷେକ ଶର୍ମାଙ୍କ ସହିତ ଅଧିନାୟକ ସୂର୍ଯ୍ୟ କୁମାର ଯାଦବ ଯୋଗଦେଇଥିଲେ । ଅଭିଷେକ ୧୪ ବଲରେ ଅର୍ଦ୍ଧ ଶତକ ଅର୍ଜନ କରିଥିଲେ । ଅଭିଷେକ ଅପରାଜିତ ୬୮ ଓ ସୂର୍ଯ୍ୟ କୁମାରଙ୍କ ଅପରାଜିତ ୫୭ ରନ୍ ସଂଗ୍ରହ କରି ଭାରତକୁ ବିଜୟୀ କରିବା ସହିତ ଆଗୁଆ ସିରିଜ ବିଜୟ ଦେଇଥିଲେ । ୫ ମ୍ୟାଚ୍ ବିଶିଷ୍ଟ ସିରିଜ୍ରେ ଲଗାତାର ତୃତୀୟ ବିଜୟ ହାସଲ କରିଛି ଭାରତ । ମ୍ୟାଚରେ ଛକା ଓ ଚୌକାର ବର୍ଷା ହୋଇଥିଲା ଭାରତର ବ୍ୟାଟରଙ୍କ ପକ୍ଷରୁ ।
orissaleads@admin
January 25, 2026
