ଓଡ଼ିଶା ଲିଡ୍ସ(ବ୍ୟୁରୋ): ୱେଷ୍ଟଇଣ୍ଡିଜ ବ୍ୟାଟରଙ୍କ ଦମଦାର ପ୍ରଦର୍ଶନ ଦ୍ଵିତୀୟ ଟେଷ୍ଟକୁ ପଞ୍ଚମ ଦିନକୁ ନେଇଛି । ଚତୁର୍ଥ ଦିନର ଖେଳ ଶେଷ ସୁଦ୍ଧା ଭାରତ ବିଜୟ ଦ୍ୱାରରେ ପହଞ୍ଚି ଯାଇଛି । ଶେଷ ଦିନରେ ୫୮ ରନ୍ କଲେ ଭାରତ ଏହି ଟେଷ୍ଟକୁ ଜିତିବ । ପ୍ରଥମ ଟେଷ୍ଟରେ ଇନିଂସ୍ ବିଜୟ ହାସଲ କରି ସିରିଜରେ ୧-୦ରେ ଆଗୁଆ ରହିଛି ଭାରତୀୟ ଦଳ ।
ଦ୍ବିତୀୟ ଟେଷ୍ଟରେ ଭ୍ରମଣକାରୀ ୱେଷ୍ଟଇଣ୍ଡିଜ୍ ଦଳ ଫଲୋଅନ୍ ହେବା ପରେ ଦୁଇ ଦୁଇଟି ଶତକ ସହାୟତାରେ ଦ୍ବିତୀୟ ପାଳିରେ ୩୯୦ ରନ୍ କରିଛି । ଓପ୍ନର ଜନ୍ କ୍ୟାମ୍ପବେଲ ୧୧୫ ରନ୍ ଏବଂ ମଧ୍ୟଭାଗ ବ୍ୟାଟର ସାଇ ହୋପ୍ ୧୦୩ ରନ୍ କରିଥିଲେ । ଏମାନଙ୍କ ସହାୟତା ଦେଇ ଅଧିନାୟକ ରୋଷ୍ଟନ୍ ଚେଜ୍ ୪୦, ଜଷ୍ଟିନ୍ ଗ୍ରାଭ୍ସ ଅପରାଜିତ ୫୦ ଏବଂ ଏଗାର ନମ୍ବର ବ୍ୟାଟର ଜାଏଡେନ୍ ସିଲ୍ସ ୩୨ ରନ୍ କରିଥିଲେ । ଫଳରେ ୧୨୦ ରନର ଅଗ୍ରଣୀ ନେଇଥିଲା । ଭାରତ ପକ୍ଷରୁ କୁଲଦୀପ ଯାଦବ ଓ ଯଶପ୍ରୀତ ବୁମରା ୩ଟି ଲେଖାଏଁ ଏବଂ ସିରାଜ ୨ଟି ୱିକେଟ ଅକ୍ତିୟାର କରିଥିଲେ ।
ପରେ ଭାରତ ୧୨୧ ରନର ବିଜୟଲକ୍ଷ୍ୟ ନେଇ ଆଜି ଚତୁର୍ଥ ଦିବସ ଖେଳ ଶେଷ ସୁଦ୍ଧା ଯଶସ୍ବୀ ଜୟସୱାଲଙ୍କ ୱିକେଟ୍ ହରାଇ ୬୩ ରନ୍ ସଂଗ୍ରହ କରିଛି । ଯଶସ୍ବୀ ୮ ରନ୍ କରି ଆଉଟ୍ ହାଇଛନ୍ତି । କେଏଲ୍ ରାହୁଲ ୨୫ ଏବଂ ସାଇ ସୁଦର୍ଶନ ୩୦ ରନ୍ କରି ଅପରାଜିତ ଅଛନ୍ତି ।
