ପ୍ରାକ୍ତନ ପ୍ରଧାନ ଶିକ୍ଷକଙ୍କ ବିୟୋଗରେ ଶୋକ

ଓଡ଼ିଶା ଲିଡ୍ସ(ଦଶରଥପୁର): ନନ୍ଦିପୁର ସରକାରୀ ଉଚ୍ଚ ବିଦ୍ୟାଳୟର ପ୍ରାକ୍ତନ ପ୍ରଧାନ ଶିକ୍ଷକ ଦାମୋଦର କରଙ୍କର ବିୟୋଗରେ ଆଜି ଏକ ଶୋକସଭା ଅନୁଷ୍ଠିତ ହୋଇଯାଇଅଛି। ବିଦ୍ୟାଳୟ ପରିସରରେ ପ୍ରାକ୍ତନ ସରପଞ୍ଚ ପ୍ରଦୀପ ମହାନ୍ତିଙ୍କ ସଭାପତିତ୍ବରେ ଅନୁଷ୍ଠିତ ଶ୍ରଦ୍ଧାଞ୍ଜଳି ସଭାରେ ମୁଖ୍ୟବକ୍ତା ଭାବେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ତଟିନୀ ସେଠୀ ଯୋଗ ଦେଇଥିବାବେଳେ ବିଦ୍ୟାଳୟର ପ୍ରାକ୍ତନ ପ୍ରଧାନଶିକ୍ଷକ ପ୍ରମୋଦ ମହାନ୍ତି, ଅବସର ପ୍ରାପ୍ତ ଶିକ୍ଷା ବିଭାଗର ପ୍ରଶାସକ ସତ୍ୟପ୍ରିୟ ମହାନ୍ତି, ରାମବାଗ ରିଜିଓନାଲ କଲେଜର ପ୍ରାକ୍ତନ ଅଧ୍ୟକ୍ଷ ଡ଼ ଶାନ୍ତନୁ ନାୟକ, ଅବସର ପ୍ରାପ୍ତ ଶିକ୍ଷକ ବଳରାମ ତ୍ରିପାଠୀ, ଉମେଶ ଚନ୍ଦ୍ର ସାହୁ, ଦିଲ୍ଲୀପ ଦଳାଇ, ଦେବେନ୍ଦ୍ର ନାୟକ, ପ୍ରମୁଖ ସ୍ୱର୍ଗତ କରଙ୍କର ଦୀର୍ଘ ବର୍ଷର କର୍ମମୟ ଜୀବନୀ ସମ୍ପର୍କରେ ଆଲୋଚନା କରିବା ସହ ଛାତ୍ର ଛାତ୍ରୀ ମାନଙ୍କୁ ତାଙ୍କ ଜୀବନାଦର୍ଶରୁ କିଛି ଶିକ୍ଷା ଗ୍ରହଣ କରିବାପାଇଁ ପରାମର୍ଶ ଦେଇଥିଲେ। ଶିକ୍ଷକ ସୁଶାନ୍ତ ସାହୁ, ବିଶ୍ୱନାଥ ପରିଡା, ଶେଖ ହମିଦ ରାଜା, ଅନୁପ ଧଳ, ପଲ୍ଲଵ ମହାପାତ୍ର, ବିନୟ ନାୟକ, ସଂଘମିତ୍ରା ଦାସ, ବଲ୍ଲବୀ ମିଶ୍ର, ସବିତା ମୁଣ୍ଡା ସୁନୀଲ ସର୍ଦ୍ଦାର,ବବିଶ୍ୱଜିତ ମହାପାତ୍ର, ଦିପୁ ପଣ୍ଡା ପରିଚାଳନା କମିଟିର ସଭାନେତ୍ରୀ ସଂଗୀତା ମହାନ୍ତି ପ୍ରମୁଖଙ୍କ ଦ୍ଵାରା ସ୍ବର୍ଗତ ଶିକ୍ଷକଙ୍କୁ ଶ୍ରଦ୍ଧା ସୁମନ ଅର୍ପଣ କରାଯାଇଥିଲା। ସଭା ପ୍ରାରମ୍ଭରେ ତାଙ୍କ ଆମର ଆତ୍ମାର ସଦଗତି ନିମନ୍ତେ ଏକ ମିନିଟ ନିରବ ପ୍ରାର୍ଥନା କରାଯାଇଥିଲା। ଶେଷରେ ଶିକ୍ଷକ ସୁନନ୍ଦ ମହାପାତ୍ର ଧନ୍ୟବାଦ ଅର୍ପଣ କରିଥିଲେ।