ଓଡ଼ିଶା ଲିଡ୍ସ(ବ୍ୟୁରୋ): ସାଂସଦ ରାଘବ ଚଡ୍ଡା ଓ ଅନ୍ୟ ୬ ଜଣ ଆପ ସାଂସଦର ଆପ ଛାଡି ବିଜେପିରେ ସାମିଲ ହୋଇଛନ୍ତି । ରାଘବଙ୍କ ନେତୃତ୍ୱରେ ଏହି ପ୍ରକ୍ରିୟା ହୋଇଥିଲା ବେଳେ ଏହି ପଦକ୍ଷେପ ଅରବିନ୍ଦ କେଜ୍ରିୱାଲଙ୍କ ଦଳ ଆପକୁ ଦୋହଲାଇ ଦେଇଛି। ରାଘବ ଆପ ଛାଡିବା ଓ ବିଜେପିରେ ସାମିଲ ହେବାକୁ ତାଙ୍କ ସମର୍ଥକ ସହଜରେ ଗ୍ରହଣ କରି ନାହାନ୍ତି । ସାମାଜିକ ଗଣ ମାଧ୍ୟମରେ ତାଙ୍କ ଏକ ମିଲିୟନ ଫଲୋଅର ତାଙ୍କୁ ଅନଫଲୋ କରିଛନ୍ତି । ସଂସଦରେ ନିଜର ବିଭିନ୍ନ ଦାବିକୁ ନେଇ ଯୁବଗୋଷ୍ଠୀଙ୍କ ପ୍ରିୟ ହୋଇ ପାରିଥିଲେ ରାଘବ । ପୂର୍ବରୁ ବିଜେପିକୁ ମଧ୍ୟ କଠୋର ଭାଷାରେ ଆକ୍ରମଣ ମଧ୍ୟ କରୁଥିଲେ ରାଘବ ।ହେଲେ ଦଳ ଛାଡି ବିଜେପିରେ ସାମିଲ ହେବାକୁ ଯୁବ ଗୋଷ୍ଠି ଗ୍ରହଣ କରି ପାରି ନାହାନ୍ତି ।
ରାଘବଙ୍କୁ ଦେଶରେ ଜେନ ଜେଡ ଚେହେରା ଭାବେ ଦେଖୁ ଥିଲେ। ବିଜେପିରେ ସେ ସାମିଲ ହେବା ପରେ ତାଙ୍କ ଲୋକପ୍ରିୟତା ଦ୍ରୁତ ଗତିରେ ହ୍ରାସ ପାଇଛି । ଡିଜିଟାଲ ଯୁଗରେ ସାମାଜିକ ଗଣ ମାଧ୍ୟମରେ ଅନୁଗାମୀଙ୍କ ଗୁରୁତ୍ୱ ବେଶ ଅଧିକ ରହିଛି। ଅନୁଗାମୀଙ୍କ ସଂଖ୍ୟା ହିଁ ଜଣଙ୍କ ଲୋକପ୍ରିୟତାକୁ ପ୍ରଦର୍ଶନ କଟୁଥାଏ । ବିଜେପିରେ ମିଶିବାର ୨୪ ଘଣ୍ଟା ମଧ୍ୟରେ ରାଘବ ଇନଷ୍ଟାଗ୍ରାମରେ ୧ ମିଲିୟନରୁ ଅଧିକ ଫୋଲୟର୍ସ ହରାଇଛନ୍ତି । ଶୁକ୍ରବାର ଅପରାହ୍ନ ଯାଏ ରାଜ୍ୟସଭା ସାଂସଦ ଚଡ୍ଡାଙ୍କୁ ଇନଷ୍ଟାଗ୍ରାମରେ ୧୪.୬ ମିଲିୟନ ଲୋକ ଅନୁସରଣ କରୁଥିଲେ। ହେଲେ ଶନିବାର ଦିନ ୩ଟା ସୁଦ୍ଧା ଏହା ୧୩.୪ ମିଲିୟନକୁ ଖସି ଆସିଛି।
