ଓଡ଼ିଶା ଲିଡ୍ସ(ବ୍ୟୁରୋ): ୧୯ ବର୍ଷରୁ କମ ବିଶ୍ବକପ ଫାଇନାଲରେ ଇଂଲଣ୍ଡକୁ ୧୦୦ ରନରେ ପରାସ୍ତ କରି ଭାରତ ଷଷ୍ଠ ଥର ପାଇଁ ବିଶ୍ୱ ବିଜେତା ହୋଇଛି। ୪୧୨ ରନ୍ର ପାହାଡ଼ ଭଳି ବିଜୟ ଲକ୍ଷ୍ୟ ନେଇ ଇଂଲଣ୍ଡ ୪୦.୨ ଓଭରରେ ସମସ୍ତ ୱିକେଟ୍ ହରାଇ ୩୧୧ ରନ କରିବାକୁ ସକ୍ଷମ ହୋଇଥିଲା । ଫଳରେ ଭାରତ ୧୯ ବର୍ଷରୁ କମ ବିଶ୍ବକପ୍ର ଫାଇନାଲରେ ବିଜୟୀ ହୋଇ ଷଷ୍ଠ ଥର ପାଇଁ ବିଶ୍ୱ ବିଜେତା ହୋଇଛି।
ଭାରତର ବିଜୟରେ ବ୍ୟାଟିଂ ବିସ୍ମୟ ବୈଭବ ସୂର୍ଯ୍ୟବଂଶୀ ନାୟକ ହୋଇଛନ୍ତି। ବୈଭବ ଆଜିର ମ୍ୟାଚରେ ମାତ୍ର ୮୦ଟି ବଲ୍ ଖେଳି ୧୭୫ ରନ୍ ସଂଗ୍ରହ କରିଥିଲେ, ଯେଉଁଥିରେ ୧୫ଟି ଚୌକା ଓ ୧୫ଟି ଛକା ସାମିଲ ଥିଲା। ବୈଭବଙ୍କ ବ୍ୟାଟରୁ ରେକର୍ଡ ବର୍ଷା ହେବା ଫଳରେ ଭାରତ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୯ଟି ୱିକେଟ୍ ହରାଇ ୪୧୧ ରନର ବିଶାଳ ଇନିଂସ ଛିଡା କରିଥିଲା । ଭାରତର ଏହି ବିଜୟରେ ଭାରତୀୟ ୧୯ ବର୍ଷରୁ କମ କ୍ରିକେଟ ଦଳକୁ ଶୁଭେଛାର ସୁଅ ଛୁଟିଛି ।
