ଓଡ଼ିଶା ଲିଡ୍ସ(ବ୍ୟୁରୋ): ବ୍ରହ୍ମ କନ୍ୟା ଫାଉଣ୍ଡେସନ ପକ୍ଷରୁ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ସହାୟତାରେ ଗ୍ରାମୀଣ କଳା ଓ ସଂସ୍କୃତି ମହୋତ୍ସବ ଆୟୋଜିତ ହୋଇଯାଇଛି । କାର୍ଯ୍ୟକ୍ରମରେ ଗ୍ରାମୀଣ କଳା, ଲୋକସଂସ୍କୃତି ଓ ସାମାଜିକ ଏକତାର ପ୍ରଚାର ଉପରେ ଆଲୋଚନା ହୋଇଥିଲା।
ଆୟୋଜିତ ସଭାରେ ବ୍ରହ୍ମ କନ୍ୟା ଫାଉଣ୍ଡେସନର ନିର୍ଦ୍ଦେଶକ ଡ଼. ବିଶ୍ୱଜିତ ପାତ୍ର ନିଜ ବକ୍ତବ୍ୟରେ କହିଥିଲେ ଗ୍ରାମୀଣ କଳା, ଲୋକ ପରମ୍ପରା ଓ ସଂସ୍କୃତି ଆମ ସାମାଜିକ ପରିଚୟର ମୂଳ ଆଧାର ଏବଂ ଏହାକୁ ସୁରକ୍ଷିତ ରଖିବା ଆଜିର ସମୟର ଆବଶ୍ୟକତା। କଳା ଓ ସଂସ୍କୃତି ଆମ ପରିଚୟ ।ଗ୍ରାମ୍ୟ ଅଞ୍ଚଳର ଲୁକାୟିତ ପ୍ରତିଭାକୁ ଆଗକୁ ଆଣିବା ସହ ଯୁବପିଢ଼ୀଙ୍କ ମଧ୍ୟରେ ଲୋକ ସଂସ୍କୃତି ପ୍ରତି ଆଗ୍ରହ ବଢ଼ାଇବା ପାଇଁ ଏପରି ମହୋତ୍ସବର ଆଵଶ୍ୟକତା ଅଛି । କାର୍ଯ୍ୟକ୍ରମରେ ସଂସ୍ଥାର ଅନ୍ୟତମ ନିର୍ଦ୍ଦେଶିକା ଜୟନ୍ତୀ ରାଣୀ ଭୂୟାଁ ତାଙ୍କ ବକ୍ତବ୍ୟରେ ଗ୍ରାମୀଣ ସଂସ୍କୃତି, ଲୋକନୃତ୍ୟ, ହସ୍ତଶିଳ୍ପ ଓ ପାରମ୍ପରିକ କଳାକୁ ସୁରକ୍ଷିତ କରିବାର ଆବଶ୍ୟକତା ଥିବା କହିଥିଲେ । ସେ ଗ୍ରାମର ମହିଳା ଓ ଯୁବକମାନଙ୍କୁ ସାଂସ୍କୃତିକ ଭାବେ ସଚେତନ କରିବାରେ ଏପରି କାର୍ଯ୍ୟକ୍ରମର ଭୂମିକା ଉପରେ ଗୁରୁତ୍ୱ ଦେଇଥିଲେ।
ସଂସ୍ଥାର ସମ୍ପାଦକ ସଂଗ୍ରାମ କେଶରୀ ଭୂୟାଁ ନିଜ ଭାଷଣରେ କହିଥିଲେ ଯେ, ଗ୍ରାମୀଣ ସମାଜର ଏକତା, ସହଯୋଗ ଓ ଭାଇଚାରାକୁ ସୁଦୃଢ କରିବାରେ ଏଭଳି ସାଂସ୍କୃତିକ ମହୋତ୍ସବର ଗୁରୁତ୍ୱ ଅସୀମ। ସେ ଉପସ୍ଥିତ ସମସ୍ତ ଭଦ୍ରବ୍ୟକ୍ତି, ସମାଜସେବୀ, ସଦସ୍ୟ ଓ ଗ୍ରାମବାସୀଙ୍କୁ ଧନ୍ୟବାଦ ଜଣାଇ ସଂସ୍ଥାର ଆଗାମୀ ସମାଜ ସେବାମୂଳକ କାର୍ଯ୍ୟକ୍ରମରେ ସହଯୋଗ ପାଇଁ ଆହ୍ୱାନ କରିଥିଲେ। ଏହି ମହୋତ୍ସବରେ ନିକଟସ୍ଥ ଅଞ୍ଚଳର ଭଦ୍ରବ୍ୟକ୍ତି, ସମାଜସେବୀ, ସଂସ୍ଥାର ସଦସ୍ୟ ଓ ଅନେକ ଗ୍ରାମବାସୀ ଯୋଗଦେଇ କାର୍ଯ୍ୟକ୍ରମକୁ ସଫଳ କରିଥିଲେ।
