ଓଡ଼ିଶା ଲିଡ୍ସ(ବ୍ୟୁରୋ): କକ୍ରୋଚ ଜନତା ପାର୍ଟିକୁ ନେଇ ସାରା ଦେଶରେ ଚର୍ଚା6 ଚାଲିଥିଲା ବେଳେ ଆମେରିକାର ବୋଷ୍ଟନରେ ରହୁଥିବା ୩୦ ବର୍ଷୀୟ ଅଭିଜିତ ଦୀପ୍କେ ରାଜନୈତିକ ମହଲରେ ଚର୍ଚ୍ଚାର କେନ୍ଦ୍ର ପାଲଟିଛନ୍ତି। କକ୍ରୋଚ ଜନତା ପାର୍ଟିର ସଂସ୍ଥାପକ ଅଭିଜିତ ଜୁନ ୬ତାରିଖରେ ଭାରତ ଆସୁଛନ୍ତି। ୬ ତାରିଖରେ ଦେଶର ଶିକ୍ଷା ବ୍ୟବସ୍ଥାରେ ଥିବା ତ୍ରୁଟି ପ୍ରସଙ୍ଗରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବି କରିବେ ଦୀପକେ । ଦୀପକେ ତାଙ୍କ ସମର୍ଥକଙ୍କ ସହିତ ଯନ୍ତରମନ୍ତରଠାରୁ ବିମାନବନ୍ଦର ପର୍ଯ୍ୟନ୍ତ ଶାନ୍ତିପୂର୍ଣ୍ଣ ବିରୋଧ ପ୍ରଦର୍ଶନ କରିବେ। ଅନ୍ୟପକ୍ଷରେ ଅଭିଜିତଙ୍କ ଏହି ପଦକ୍ଷେପ ମହାରାଷ୍ଟ୍ରରେ ଥିବା ତାଙ୍କ ବାପା ମା’ଙ୍କ ଚିନ୍ତା ବଢ଼ାଇ ଦେଇଛି। ଅଭିଜିତଙ୍କ ପରିବାର ସୁରକ୍ଷା ଦୃଷ୍ଟିରୁ ନିଜ ଘର ଛାଡ଼ି ଏକ ଅଜ୍ଞାତ ସ୍ଥାନରେ ରହୁଛନ୍ତି । ବାଲୁଜ ଅଞ୍ଚଳ ସ୍ଥିତ ଅଭିଜିତ୍ଙ୍କ ଘର ଏବେ ଖାଲି ପଡ଼ିଥିବା ଜଣା ଯାଇଛି। ଘରେ ଏବେ କେହି ନଥିଲା ବେଳେ ସୁରକ୍ଷା ଦୃଷ୍ଟିରୁ ପୋଲିସ ତାଙ୍କ ଘରକୁ ଜଗି ରହିଛି। ଅଭିଜିତ ଆଇନ କାନୁନ ବିଷୟରେ ଭଲ ଭାବରେ ଅବଗତ ଅଛନ୍ତି ଓ ସେ ଆଇନ ବିରୋଧରେ କୌଣସି କାର୍ଯ୍ୟ କରିବେ ନାହିଁ ବୋଲି ତାଙ୍କ ବାପା କହିଛନ୍ତି। ଅଭିଜିତ ଦୀପ୍କେ ବିଭିନ୍ନ ବ୍ୟକ୍ତି ବିଶେଷଙ୍କୁ ସମର୍ଥନ ମାଗିଥିବା ଜଣା ଯାଇଛି ।
କଂଗ୍ରେସ ସାଂସଦ ଶଶି ଥରୁର କକ୍ରୋଚ୍ ଜନତା ପାର୍ଟିର ଉତ୍ଥାନକୁ ଯୁବ ହତାଶାର ପ୍ରତୀକ ଭାବରେ ବର୍ଣ୍ଣନା କରିଛନ୍ତି। ଏହି ବ୍ୟଙ୍ଗାତ୍ମକ ଦଳ ଦେଶର ଭୟଙ୍କର ରାଜନୈତିକ ପରିସ୍ଥିତିର ପ୍ରତିଫଳନ ବୋଲି ମଧ୍ୟବକହିଛନ୍ତି।
