ଯାଜପୁର ଜଗନ୍ନାଥ ମନ୍ଦିରରେ ଭଙ୍ଗା ନୀଳଚକ୍ର, ତୁରନ୍ତ ବଦଳାଇବାକୁ ପଦକ୍ଷେପ ନେବାକୁ ଦାବି

ଓଡ଼ିଶା ଲିଡ୍ସ(ଯାଜପୁର): ଯାଜପୁର ବୈତରଣୀ ନଦୀ କୂଳରେ ଥିବା ପୁରାତନ ଜଗନ୍ନାଥ ମନ୍ଦିର ନୀଳଚକ୍ର ଭାଙ୍ଗି ଯାଇଥିବା ଦେଖିବାକୁ ମିଳିଛି । ଯାହା ହଜାର ହଜାର ଜଗନ୍ନାଥ ଭକ୍ତଙ୍କୁ ମର୍ମାହତ କରିଛି । ହେଲେ ଏଥିପ୍ରତି ଦେବୋତ୍ତର ବିଭାଗ କିଭଳି ନଜର ଦେଇନାହିଁ ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି । ମନ୍ଦିରରେ ବାନା ପରିବର୍ତ୍ତନ ହେବା ସମୟରେ ଏହା କିଭଳି ସେବାୟତଙ୍କ ନଜରକୁ ଆସିନାହିଁ ତାହା ମଧ୍ୟ ସନ୍ଦେହ ସୃଷ୍ଟି କରିଛି । ଯଦି ସେବାୟତ ଏ ନେଇ ଅବଗତ ଥିଲେ ତେବେ ଦେବୋତ୍ତର ବିଭାଗକୁ ଏ ନେଇ ଅବଗତ କରିଛନ୍ତି କି ନାହିଁ ତାହା ଆଲୋଚ୍ୟର ବିଷୟ ହୋଇଛି । ଏହି ସ୍ଥାନରେ ବିଭିନ୍ନ ଦେବାଦେବୀଙ୍କ ମନ୍ଦିର ଥିଲା ବେଳେ ବହୁ ଶ୍ରଦ୍ଧାଳୁ ମନ୍ଦିର ଯାଇ ବଡ଼ ଠାକୁର ବଳଦେବ, ମହାପ୍ରଭୁ ଜଗନ୍ନାଥ ଓ ଦେବୀ ଶୁଭଦ୍ରାଙ୍କ ଦର୍ଶନ କରନ୍ତି । ଭକ୍ତ ମନ୍ଦିର ଗଲେ ପ୍ରଥମେ ନିଳଚକ୍ରଙ୍କ ଦର୍ଶନ କରନ୍ତି । ହେଲେ ମନ୍ଦିରର ଭଙ୍ଗା ନୀଳଚକ୍ର ଭକ୍ତଙ୍କ ମନରେ ଆଘାତ ଦେଉଛି । ଏ ନେଇ ଦେବୋତ୍ତର ବିଭାଗ ତୁରନ୍ତ ପଦକ୍ଷେପ ନେବା ସହିତ ନିଳଚକ୍ରକୁ ପରିବର୍ତ୍ତନ କରିବାକୁ ଦାବି ହୋଇଛି ।