ଓଡ଼ିଶା ଲିଡ୍ସ(ବ୍ୟୁରୋ): ଇରାନ ଯୁଦ୍ଧର ପ୍ରଭାବର ସାରା ବିଶ୍ବ ଉପରେ ପଡ଼ିଛି । ଯୁଦ୍ଧର ପ୍ରଭାବ ଭାରତୀୟ ବଜାର ଉପରେ ପଡିବା ଫଳରେ ଭାରତରେ ଗ୍ୟାସ ସଙ୍କଟ ସୃଷ୍ଟି ହୋଇ ସାରିଛି । ଆଗକୁ ମଧ୍ୟ ତୈଳ ସଙ୍କଟ ସୃଷ୍ଟି ହେବାକୁ ଯାଉଛି । ଗ୍ୟାସ ସଙ୍କଟ ସୃଷ୍ଟି ହେବାରୁ ଲୋକେ ହନ୍ତସନ୍ତ ହେଉଛନ୍ତି । ବର୍ତ୍ତମାନ ସୁଦ୍ଧା ପେଟ୍ରୋଲ ଓ ଡିଜେଲର ମୂଲ୍ୟ ବୃଦ୍ଧି ହୋଇ ନଥିଲା ବେଳେ ନିର୍ବାଚନ ପରେ ତୈଳ ମୂଲ୍ୟ ବୃଦ୍ଧି ହେବ ବୋଲି ଵିରୋଧି ଦଳ ନେତା ରାହୁଲ ଗାନ୍ଧୀ ଭବିଷ୍ୟବାଣୀ କରିଛନ୍ତି ।
ନିକଟରେ ଭାରତର ବିଭିନ୍ନ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି । ସେ କହିଛନ୍ତି ଯେ, ନିର୍ବାଚନ ପରେ ପେଟ୍ରୋଲ, ଡିଜେଲ ଏବଂ ଏଲପିଜି ସିଲିଣ୍ଡରର ମୂଲ୍ୟ ଦ୍ରୁତ ଗତିରେ ବୃଦ୍ଧି ପାଇବ।
ଵିରୋଧି ଦଳ ନେତା ରାହୁଲ ଗାନ୍ଧୀ ଶନିବାର ଦିନ ନିଜ ସୋସିଆଲ ମିଡିଆ ପ୍ଲାଟଫର୍ମ Xରେ ଏକ ପୋଷ୍ଟ ସେୟାର କରିଛନ୍ତି। ପୋଷ୍ଟରେ ସେ ଆମେରିକୀୟ ଡଲାର ତୁଳନାରେ ଭାରତୀୟ ଟଙ୍କାର ମୂଲ୍ୟ ହ୍ରାସ ପାଇଁ କେନ୍ଦ୍ରର ମୋଦୀ ସରକାରଙ୍କୁ ସମାଲୋଚନା କରିଛନ୍ତି। ସେ ପୋଷ୍ଟରେ ଲେଖିଛନ୍ତି, ‘ଡଲାର ତୁଳନାରେ ଟଙ୍କା ଦୁର୍ବଳ ହୋଇ ଏକ ଡଲାର ମୂଲ୍ୟ ଭାରତୀୟ ମୁଦ୍ରାରେ ୧୦୦ଟଙ୍କା ଆଡକୁ ମୁହାଁଇବା ଏବଂ ଶିଳ୍ପ ଇନ୍ଧନ ମୂଲ୍ୟରେ ତୀବ୍ର ବୃଦ୍ଧି କେବଳ ପରିସଂଖ୍ୟାନ ନୁହେଁ, ବରଂ ଆସନ୍ନ ମୁଦ୍ରାସ୍ଫୀତିର ସ୍ପଷ୍ଟ ସଙ୍କେତ।’
ସେ ଆହୁରି ମଧ୍ୟ କହିଛନ୍ତି, ‘ସରକାର ଏହାକୁ ସାଧାରଣ ବୋଲି କହିପାରନ୍ତି, କିନ୍ତୁ ବାସ୍ତବତା ହେଉଛି ଉତ୍ପାଦନ ଏବଂ ପରିବହନ ଅଧିକ ମହଙ୍ଗା ହେବ, ଏମଏସଏମଇ ସବୁଠାରୁ ଅଧିକ ପ୍ରଭାବିତ ହେବ, ନିତ୍ୟ ବ୍ୟବହାର୍ଯ୍ୟ ଜିନିଷର ମୂଲ୍ୟ ବୃଦ୍ଧି ପାଇବ । ଏହାର ଅର୍ଥ ହେଉଛି, ପ୍ରତ୍ୟେକ ପରିବାରର ପକେଟ ଉପରେ ଏହାର ସିଧାସଳଖ ଏବଂ ଗଭୀର ପ୍ରଭାବ ପଡ଼ିବ।
