ଦଳୀୟ କାର୍ଯ୍ୟାନୁଷ୍ଠାନକୁ ଖାତିର ନାହିଁ
ଜଣେ ପରେ ଜଣେ ମୁହଁ ଖୋଲୁଛନ୍ତି
ତୃଣମୂଳ ସ୍ତରରେ କ୍ଷତିଗ୍ରସ୍ତ ହେଉଛି ଦଳ
ଓଡ଼ିଶା ଲିଡ୍ସ(ବ୍ୟୁରୋ): ରାଜ୍ୟସଭା ନିର୍ବାଚନରେ କ୍ରସ୍ ଭୋଟିଂ କରି ବିଜେଡିରୁ ନିଲମ୍ବିତ ହୋଇଛନ୍ତି ୬ ଜଣ ବିଧାୟକ । ନିଲମ୍ବନ ପରେ କିନ୍ତୁ ନିରବ ନରହି ଜଣଙ୍କ ପରେ ଜଣେ ବିଧାୟକ ମୁହଁ ଖୋଲି ଦଳ ଓ ଦଳ ସୁପ୍ରିମୋଙ୍କୁ ଆକ୍ଷେପ କରୁଛନ୍ତି ।
ଆଜି ଚୌଦ୍ବାର-କଟକ ବିଧାୟକ ସୌଭିକ୍ ବିଶ୍ବାଳ ସାମ୍ବାଦିକ ସମ୍ମିଳନୀ କରି ବେଶ ବର୍ଷିଛନ୍ତି । ସେ କହିଛନ୍ତି, ନିଲମ୍ବନ ନୁହେଁ, ବହିଷ୍କାର କରିଥିଲେ ମୁଁ ଖୁସି ହୋଇଥାଆନ୍ତି। ବାପା ତଥା ପୂର୍ବତନ ବିଧାୟକ ପ୍ରଭାତ ବିଶ୍ବାଳ କିପରି ୨ ଦଶନ୍ଧି ଧରି ବିଜେଡି ପାଇଁ ସେବା କରିଥିଲେ, ସେ କଥା ମନେ ପକାଇ ଦଳର ସଭାପତି ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି । ଏଥିସହ ନବନିର୍ବାଚିତ ରାଜ୍ୟସଭା ସାଂସଦ ସଂତୃପ୍ତ ମିଶ୍ରଙ୍କୁ ମଧ୍ୟ ଟାର୍ଗେଟ କରିବାକୁ ଭୁଲି ନାହାନ୍ତି ସୌଭିକ । ବିଜୁ-ନବୀନ ଫାଉଣ୍ଡେସନ୍ ଟ୍ରଷ୍ଟ କଥା ଉଠାଇଛନ୍ତି । ଏଥିସହ କାହିଁକି ସଂତୃପ୍ତ ମିଶ୍ରଙ୍କ ପ୍ରତି ନବୀନଙ୍କ ଏତେ ସହୃଦୟତା ବୋଲି ମଧ୍ୟ ପ୍ରଶ୍ନ ଉଠାଇଛନ୍ତି ସୌଭିକ୍ ବିଶ୍ବାଳ ।
ଅପରପକ୍ଷେ ବରିଷ୍ଠ ନେତ୍ରୀ ପ୍ରମିଳା ମଲ୍ଲିକ କହିଛନ୍ତି ସଭ୍ୟପଦ ରଦ୍ଦ ପାଇଁ ବାଚସ୍ପତିଙ୍କୁ କୁହାଯିବ । ବିଜେଡି ଆଇନଗତ ଲଢେଇ ଲଢ଼ିବ, ଅବୖଧ ଭୋଟ୍ ଗଣନା କରାଯାଇଛି ।
