ଓଡ଼ିଶା ଲିଡ୍ସ(ଯାଜପୁର): ଇଂ ପ୍ରୀତିରଞ୍ଜନ ଘଡାଇ ବିଭିନ୍ନ ସମୟରେ କହିଛନ୍ତି ଶ୍ରମିକ ଭାଇ ଭଉଣୀ ମାନେ ସୁକିନ୍ଦାର ପ୍ରାଣ । ସେମାନଙ୍କ ବିନା ସୁକିନ୍ଦାର ବିକାଶ ଅସମ୍ଭବ । ସେମାନଙ୍କ ତ୍ୟାଗ ଆଗରେ ସବୁ ଯେମିତି ମୂଲ୍ୟହୀନ । ଆଜି ସୁକିନ୍ଦା ଯେଉଁଠି ପହଞ୍ଚିଛି ତା ପଛରେ ଶ୍ରମିକ ଭାଇ ଭଉଣୀଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଏହାକୁ କେହି ଅସ୍ବୀକାର କରିବେ ନାହିଁ । ବିଭିନ୍ନ ସମୟରେ ଇଂ ଘଡାଇ ଶ୍ରମିକ ମାନଙ୍କ ସମସ୍ୟାକୁ ନେଇ ରାସ୍ତାକୁ ଓହ୍ଲାଇଥିଲା ବେଳେ ଅଗ୍ରଭାଗରେ ରହି ଆନ୍ଦୋଳନ କରିଛନ୍ତି । ତାଙ୍କ ପିତା ତଥା ପୂର୍ବତନ ଅର୍ଥମନ୍ତ୍ରୀ ଡ଼ଃ ପ୍ରଫୁଲ୍ଲ ଚନ୍ଦ୍ର ଘଡାଇଙ୍କ ଦ୍ୱାରା ପ୍ରତିଷ୍ଠିତ ସୁକିନ୍ଦା ରିଜିୟନ କ୍ରୋମାଇଟ ଖାଦାନ ମଜଦୁର ସଂଘର ସଭାପତି ଭାବେ ଆଗ୍ରଭାଗରେ ରହି ଶ୍ରମିକ ମାନଙ୍କ ସ୍ୱାର୍ଥ ଓ ସ୍ୱାଭିମାନ ପାଇଁ ଲଢେଇ ଜାରି ରଖିଛନ୍ତି । ନିଜ ରାଜନୈତିକ ଜୀବନ ହେଉ କିମ୍ବା ସାମାଜିକ ଜୀବନ ସବୁ ସମୟରେ ସେ ଶ୍ରମିକ ମାନଙ୍କ ସହିତ ଜଡିତ ରହୁଥିବା ଦେଖିବାକୁ ମିଳିଥାଏ । ସେମାନଙ୍କ ସମସ୍ୟା କିଭଳି ସମାଧାନ ହେବ ତାକୁ ମଧ୍ୟ ପ୍ରାଥମିକତା ଦେଇ ଆସିଛନ୍ତି ।
ନୂତନ ବର୍ଷ ୨୦୨୬ ପ୍ରାରମ୍ଭରୁ ସେ ବିଗତ ଦିନ ଭଳି ଆଗାମି ଦିନରେ ମଧ୍ୟ ଶ୍ରମିକ ମାନଙ୍କ ସହିତ ଜଡିତ ରହିବାର ସଂକେତ ଦେଇଛନ୍ତି । ବର୍ଷ ଆରମ୍ଭରୁ ଶ୍ରମିକ ମାନଙ୍କ ନିକଟକୁ ଯାଇ ସେମାନଙ୍କୁ ନୂତନ ବର୍ଷର ଶୁଭେଚ୍ଛା ଜଣାଇବା ସହିତ ସେ ସବୁ ସମୟରେ ସେମାନଙ୍କ ସହିତ ଅଛନ୍ତି ବୋଲି ସେମାନଙ୍କୁ ପ୍ରତିଶୃତି ଦେଇଛନ୍ତି । ଶ୍ରମିକ ଭାଇ ଭଉଣୀ ମାନେ ମଧ୍ୟ ଇଂ ଘଡାଇଙ୍କୁ ଉତ୍ସସିତ ସମ୍ବର୍ଦ୍ଧନା ଜଣାଇ ସେମାନେ ବି ତାଙ୍କ ନେତୃତ୍ୱ ପଛରେ ଛିଡ଼ା ହୋଇଥିବାର ଇଙ୍ଗିତ ଦେଇଛନ୍ତି ।
