ଓଡ଼ିଶା ଲିଡ୍ସ(ବ୍ୟୁରୋ): ରାଜ୍ୟସଭା ସାଂସଦ ନିଷିକାନ୍ତ ଦୁବେ ବିଜୁ ପଟ୍ଟନାୟକଙ୍କ ବିରୁଦ୍ଧରେ ଅପମାନ ସୂଚକ ମନ୍ତବ୍ୟ ଦେଇଛନ୍ତି । ଯାହାକୁ ନେଇ ସାରା ରାଜ୍ୟରେ ତୀବ୍ର ପ୍ରତିକ୍ରିୟା ସୃଷ୍ଟି ହୋଇଛି । ରାଜ୍ୟ ରାଜନୀତି ମଧ୍ୟ ବେଶ ସର ଗରମ ହୋଇଛି । ଏହି ବିବାଦକୁ ନେଇ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି କେନ୍ଦ୍ରାପଡା ସାଂସଦ ବୈଜୟନ୍ତ ପଣ୍ଡା ।
ସେ ନିଜ “ଏକ୍ସ”ରେ ଲେଖିଛନ୍ତି ବିଜୁ ଅଙ୍କଲ୍ ବିରାଟ ବ୍ୟକ୍ତିତ୍ୱ ଥିଲେ । ସେ ଆଧୁନିକ ଭାରତର ସର୍ବଶ୍ରେଷ୍ଠ ଦେଶପ୍ରେମୀଙ୍କ ମଧ୍ୟରେ ଅନ୍ୟତମ,
ଭାରତକୁ ମୁକ୍ତ କରିବା ଏବଂ ଓଡ଼ିଶାର ଉନ୍ନତି ପାଇଁ ତାଙ୍କ ଜୀବନକୁ ଉତ୍ସର୍ଗ କରିଥିଲେ । ସେ ଜଣେ ପାଇଲଟ୍, ଉଦ୍ୟୋଗପତି ଓ ରାଜନେତା ଥିଲା ବେଳେ ଅନ୍ତର୍ଜାତୀୟ ସମସ୍ୟା ସମାଧାନରେ ପାରଙ୍ଗମ ଥିଲେ । ତାଙ୍କର ବୀରତ୍ୱପୂର୍ଣ୍ଣ ମିଶନ, କୂଟନୈତିକ ପଦକ୍ଷେପ ଗଣତନ୍ତ୍ରକୁ ସମୃଦ୍ଧ କରିଛି ।
ତାଙ୍କ ଦେଶପ୍ରେମ ଉପରେ ଆପତ୍ତି ଉଠାଇବା ହାସ୍ୟାସ୍ପଦ ବୋଲି ଲେଖିଛନ୍ତି ସାଂସଦ ଶ୍ରୀ ପଣ୍ଡା । ଉଭୟଙ୍କ ପରିବାର ମଧ୍ୟରେ ବେଶ ଘନିଷ୍ଠତା ରହିଥିଲା ।
