ସ୍ବାଧୀନତାର ୭୮ ବର୍ଷ ପରେ ମଧ୍ୟ ଦେଶରେ ଧନୀ ଦରିଦ୍ରଙ୍କ ମଧ୍ୟରେ ତାରତମ୍ୟ ବୃଦ୍ଧି ପାଉଛି-ପ୍ରଫୁଲ୍ଲ ଚନ୍ଦ୍ର ଘଡାଇ
ଓଡ଼ିଶା ଲିଡ୍ସ(ବ୍ୟୁରୋ): ସହିଦ ସଂଗ୍ରାମୀ ରଘୁନାଥ ମହାନ୍ତ ସ୍ମୃତି କମିଟି ଆନୁକୁଲ୍ୟରେ ସୁକିନ୍ଦା ବ୍ଳକ ସଂସାଇଲୋ ପଞ୍ଚାୟତ ଟାଟା କଲୋନି ଠାରେ ସହିଦ ରଘୁନାଥ ମହାନ୍ତଙ୍କ ୨୪୮ ତମ ସହିଦ ଦିବସ ପାଲିତ ହୋଇଯାଇଛି। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୂର୍ବତନ ଅର୍ଥମନ୍ତ୍ରୀ ଡଃ. ପ୍ରଫୁଲ୍ଲ ଚନ୍ଦ୍ର ଘଡାଇ ଯୋଗଦେଇଥିଲେ । ମୁଖ୍ୟ ଅତିଥି ଓ ଅନ୍ୟ ଅତିଥି ମାନେ ସହିଦ ରଘୁନାଥ ମହାନ୍ତଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ତାଙ୍କୁ ସମ୍ମାନ ପ୍ରଦର୍ଶନ କରିଥିଲେ । ମୁଖ୍ୟ ଅତିଥି ଡ଼ଃ ଘଡାଇ ରଘୁନାଥ ମହାନ୍ତଙ୍କ ବୀରତ୍ଵ ଏବଂ ବଳିଦାନ ସଂପର୍କରେ ଆଲେଚନା କରିଥିଲେ। ସେ କହିଥିଲେ ମହାନ୍ତ ସମାଜର ଲୋକମାନେ ଆଦିବାସୀ ହେବାପାଇଁ ଦୀର୍ଘ ଦିନ ଧରି ସଂଗ୍ରାମ ଜାରି ରଖିଥିଲେ ମଧ୍ୟ ସେମାନଙ୍କ କଥାକୁ ସରକାର ଗୁରୁତ୍ବ ଦେଉ ନାହାନ୍ତି । ଦେଶ ସ୍ୱାଧୀନତାର ୭୮ ବର୍ଷ ପୂରଣ କରିଥିଲେ ମଧ୍ୟ ଏବେବି ଦେଶରେ ଧନୀ, ଗରିବଙ୍କ ମଧ୍ୟରେ ତାରତମ୍ୟ ବୃଦ୍ଧି ପାଉଛି। ଅନ୍ୟ ଅତିଥି ମାନେ ସହିଦ ସଂଗ୍ରାମୀ ରଘୁନାଥ ମହାନ୍ତଙ୍କ ବିରତ୍ୱ ଉପରେ ଆଲୋକପାତ କରିଥିଲେ ।
ଏହା ସହିତ ସଭାରେ ପଛୁଆବର୍ଗ ଲୋକମାନେ ଏକାଠି ହେବା ପାଇଁ ଆହ୍ବାନ ଦିଆଯାଇଥିଲା। ଏହି ସଭାରେ ଝାଡଖଣ୍ଡର ଜେ.ଏଲ.କେ.ଏମ ପ୍ରବକ୍ତା ମାଧବ ମହତୋ, ଜେ.ଏଲ.କେ.ଏମ ନେତା ପ୍ରେମ କୁମାର ମାରାଣ୍ଡି ପ୍ରମୁଖ ସମ୍ମାନିତ ଅତିଥି ଭାବରେ ଯୋଗଦେଇ ନିଜନିଜ ଅଭିଭାଷଣ ରଖିଥିଲେ। କାର୍ଯ୍ୟକ୍ରମରେ ସ୍ମୃତି କମିଟିର ସଭାପତି ଭୀମସେନ ମହାନ୍ତ, ସଂପାଦକ ତ୍ରିଲୋଚନ ମହାନ୍ତ, ଦୋଳଗୋବିନ୍ଦ ମହାନ୍ତ, ସୁକିନ୍ଦା ପଞ୍ଚାୟତ ସମିତିର ପୂର୍ବତନ ଉପାଧ୍ୟକ୍ଷ ବିବେକାନନ୍ଦ ବୋଷ, ସୁକିନ୍ଦାଗଡ ସରପଞ୍ଚ ସ୍ଵାଧୀନ ଦାସ, ଲକ୍ଷ୍ମୀଧର ବେହୁରା, ଦିପ୍ତି ରଞ୍ଜନ ବେହୁରା, ଜୟନ୍ତ କୁମାର ରାଉତ, ବାରାଗଡିଆ ସମିତି ସଭ୍ୟ ମୃତ୍ୟୁଞ୍ଜୟ ଦେଓ ପ୍ରମୁଖ ଯୋଗଦେଇ ଅଭିଭାଷଣ ରଖିଥିଲେ। କାର୍ଯ୍ୟକ୍ରମରେ ବହୁ ସଂଖ୍ୟାରେ ଲୋକ ଯୋଗଦାନ କରିଥିଲେ । ଆୟୋଜକ ମାନଙ୍କ ପକ୍ଷରୁ ଅତିଥି ମାନଙ୍କୁ ଭବ୍ୟ ସ୍ୱାଗତ କରାଯାଇଥିଲା ।
