ଓଡ଼ିଶା ଲିଡ୍ସ(ଯାଜପୁର): ବିରଜା କ୍ଷେତ୍ର ରୋଟାରୀ କ୍ଲବର ୬ଷ୍ଠ ବାର୍ଷିକ ପ୍ରତିଷ୍ଠା ଦିବସ ସମାରୋହ ଆୟୋଜିତ ହୋଇ ଯାଇଛି । ଏହି ଅବସରରେ ନୂତନ କର୍ମକର୍ତ୍ତା ମାନେ ଦାୟିତ୍ଵ ଗ୍ରହଣ କରିଛନ୍ତି । ଯାଜପୁର ଟାଉନ୍ କାଳୀମେଘା ସ୍ଥିତ ଆର.ଆର.ଆର.ମଣ୍ଡପ ଠାରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ବିଶ୍ବର ସର୍ବବୃହତ ସ୍ଵେଚ୍ଛାସେବୀ ସଂଗଠନ ଭାବେ ରୋଟାରୀ ଇଣ୍ଟରନ୍ୟାସନାଲ କେବଳ ଏକ କ୍ଲବ ନୁହେଁ ବରଂ ଏହା ସେବା, ସମର୍ପଣ, ସମ୍ପର୍କ ଓ ବନ୍ଧୁତ୍ବର ଅନ୍ୟ ନାମ ବୋଲି ଅତିଥି ମାନେ ମତବ୍ୟକ୍ତ କରିଥିଲେ। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଡିଷ୍ଟ୍ରିକ୍ଟ ଗଭର୍ଣ୍ଣର ଇନ୍ଦ୍ରଜିତ ସାହୁ, ସ୍ୱତନ୍ତ୍ର ଅତିଥି ଭାବେ ପ୍ରାକ୍ତନ ଗଭର୍ଣ୍ଣର ଯଜ୍ଞାଶିଷ ମହାପାତ୍ର,ବରେଣ୍ୟ ଅତିଥି ଭାବେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡା ନଗେନ୍ଦ୍ର ନାଥ ମହାପାତ୍ର, ସ୍ୱତନ୍ତ୍ର ଅତିଥି ଆସିଷ୍ଟାଣ୍ଟ ଗଭର୍ଣ୍ଣର ବିପିନ କିଶୋର ଷଡ଼ଙ୍ଗୀ ଯୋଗ ଦେଇ ରୋଟାରୀ କ୍ଲବର ଲକ୍ଷ୍ୟ ଆଭିମୁଖ୍ୟ ଏବଂ ଉଦ୍ଦେଶ୍ୟ ସମ୍ପର୍କରେ ଆଲୋଚନା କରିଥିଲେ। ବରିଷ୍ଠ ସଭ୍ୟ ଅନିଲ ମହାନ୍ତି ପ୍ରାକ ସୂଚନା ପ୍ରଦାନ କରିଥିଲା ବେଳେ ରବିନ୍ଦ୍ର ପରିଡ଼ା ସ୍ଵାଗତ ଭାଷଣ ପ୍ରଦାନ କରିଥିଲେ । କାର୍ଯ୍ୟକ୍ରମର ଉଦେଶ୍ୟ ସମ୍ପର୍କରେ ଉଦୟନାଥ ମାଝୀ ସୂଚନା ରଖିଥିଲେ। କ୍ଲବର ଚାର୍ଟର ପ୍ରେସିଡେଣ୍ଟ ରଶ୍ମି ରଞ୍ଜନ ମହାନ୍ତି ପ୍ରାରମ୍ଭିକ ଆଲୋଚନା କରିଥିଲେ। ନନ୍ଦ କିଶୋର ସାହୁ ସଭା କାର୍ଯ୍ୟ ସଂଯୋଜନା କରିଥିଲେ। ନୂତନ ସଭାପତି ପ୍ରଶାନ୍ତ କୁମାର ଦାସ (ବବି) ନିଜ ବକ୍ତବ୍ୟରେ କ୍ଲବକୁ ଆଗେଇ ନେବା କ୍ଷେତ୍ରରେ ସମସ୍ତଙ୍କ ସହଯୋଗ କାମନା କରିଥିଲେ। ନୂତନ ସଭାପତି ଶ୍ରୀ ଦାସ ଓ ସମ୍ପାଦକ ଉଦୟନାଥ ମାଝୀଙ୍କୁ ମୁଖ୍ୟ ଅତିଥି ଦାୟିତ୍ଵ ପ୍ରଦାନ କରିଥିଲେ।
ଅବସରପ୍ରାପ୍ତ ବିଡିଓ ହିତାଂଶୁ ଶେଖର ସାମଲ ଓ ଶିକ୍ଷୟିତ୍ରୀ ସୁପ୍ରଭା ନାୟକଙ୍କୁ ନୂତନ ସଦସ୍ୟ ଭାବେ ଗ୍ରହଣ କରାଯାଇଥିଲା। ବରିଷ୍ଠ ସଭ୍ୟ ଶରତ ରାୟ, ବଳରାମ ମହାନ୍ତି, ଅକ୍ଷୟ ପରିଡ଼ା, ସୌଭାଗ୍ୟ ନାୟକ, ସୁଶାନ୍ତ ସାମଲ, ଆଶୁତୋଷ ନାୟକ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଏହି କାର୍ଯ୍ୟକ୍ରମରେ ଯାଜପୁର ରୋଟାରୀ କ୍ଲବର ପ୍ରତିଷ୍ଠାତା ସଭ୍ୟ ଡାକ୍ତର ରାଜ କିଶୋର ପଣ୍ଡା, ସଭାପତି ଡ଼ଃ ଗିରିଶ ବିହାରୀ ମିଶ୍ର, ବରିଷ୍ଠ ସଭ୍ୟ ସୁବାଷ ମହାପାତ୍ର, ଡ଼ଃ ନିତ୍ୟାନନ୍ଦ ମିଶ୍ର, ପ୍ରସନ୍ନ କୁମାର ବିଶ୍ଵାଳଙ୍କ ସମେତ ଯାଜପୁର ରୋଡ଼ ଓ ଜାରକା କ୍ଲବର କର୍ମକର୍ତ୍ତା, ସଭ୍ୟ ସଭ୍ୟା ମାନେ ଯୋଗ ଦେଇଥିଲେ। ଏହି ଅବସରରେ କ୍ଲବର ମୁଖପତ୍ର ଯଜ୍ଞୟାନା ଏବଂ ସ୍ଵର୍ଗତ ଅଦିତୀ ସାହୁଙ୍କ ଉଦ୍ଦେଶ୍ୟରେ ପ୍ରସ୍ତୁତ ଶ୍ରଦ୍ଧାଞ୍ଜଳି ସ୍ମରଣିକା ଅଲିଭାସ୍ମୃତିକୁ ଅତିଥି ମାନେ ଉନ୍ମୋଚନ କରିଥିଲେ। କାର୍ଯ୍ୟକ୍ରମରେ ପ୍ରତିଭା ସମ୍ପନ୍ନ ଛାତ୍ରଛାତ୍ରୀ, ଚିକିତ୍ସକ, ଶିକ୍ଷାବିତ ଓ ସମାଜସେବୀଙ୍କୁ ସମ୍ମାନିତ କରାଯାଇଥିଲା। ବରିଷ୍ଠ ସଭ୍ୟ ସୁରେଶ ଚନ୍ଦ୍ର ଦାଶ ଆଗନ୍ତୁକ ଅତିଥି ଓ ନିମନ୍ତ୍ରିତ ମାନଙ୍କୁ ସ୍ଵାଗତ କରିଥିଲେ। ଶେଷରେ ମଳୟ କୁମାର ଜେନା ଧନ୍ୟବାଦ ଅର୍ପଣ କରିଥିଲେ।
