ଶ୍ରୀ ଅଲାରନାଥଦେବଙ୍କ ସେବାୟତମାନଙ୍କ ସ୍ବସ୍ଥ୍ଯବୀମା କରାଯିବାକୁ ଟ୍ରଷ୍ଟ ବୋର୍ଡର ନିଷ୍ପତି

ଓଡ଼ିଶା ଲିଡ୍ସ( ବ୍ରହ୍ମଗିରୀ): ଶ୍ରୀଅଲାରନାଥ ଦେବ ଟ୍ରଷ୍ଟ ବୋର୍ଡର ବୈଠକ ଅନୁଷ୍ଠିତ ହୋଇଯାଇଛି । ଶ୍ରୀଅଲାରନାଥ ମନ୍ଦିର ଟ୍ରଷ୍ଟ ବୋର୍ଡର ମୁଖ୍ଯ ତହସିଲଦାର ଦେବାଶିଷ ସେଠୀ ବୈଠକରେ ସଭାପତିତ୍ବ କରିଥିଲେ। ଚଳିତ ବର୍ଷ ଠାକୁରଙ୍କ ଅନବସର ଯାତ୍ରା ସୁରୁଖୁରୁରେ ସମାହିତ ହୋଇଛି। ସଫଳତା ସହିତ ଅନବସର ଯାତ୍ରା ସମାପନ ପାଇଁ ଟ୍ରଷ୍ଟବୋର୍ଡ ତରଫରୁ ସମସ୍ତ ସେବାୟତ , ଜିଲ୍ଲା ପ୍ରଶାସନ, ପୋଲିସ ପ୍ରଶାସନ, ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନର ସହଯୋଗ ପାଇଁ ସମସ୍ତଙ୍କୁ ଧନ୍ୟବାଦ ଦିଆଯାଇଥିଲା । ତହସିଲଦାର କହିଥିଲେ ଚଳିତ ବର୍ଷ ଦଶ ଲକ୍ଷରୁ ଅଧିକ ଭକ୍ତ ଅନବସରରେ ଠାକୁରଙ୍କ ଦର୍ଶନ କରିଛନ୍ତି। ଶୃଙ୍ଖଳିତ ଦର୍ଶନ ପାଇଁ ଭକ୍ତମାନେ ଟ୍ରଷ୍ଟବୋର୍ଡ ଏବଂ ପ୍ରଶାସନର ଆୟୋଜନକୁ ମଧ୍ୟ ଧନ୍ଯବାଦ ଦେଇଛନ୍ତି। ଚଳିତବର୍ଷ ଅନବସର ସମୟରେ ଇ-ହୁଣ୍ଡି ଦାନ ବ୍ଯବସ୍ଥା କରାଯାଇଥିଲା। ଅନଲାଇନ ଜରିଆରେ ଠାକୁରଙ୍କୁ ଏକ ଲକ୍ଷ ଏକ ହଜାର ଟଙ୍କା ମିଳିଛି। ହୁଣ୍ଡି ବାକ୍ସରୁ ମୋଟ ୭,୬୩,୧୫୦ ଟଙ୍କା ମିଳିଛି । ଏହି ସମୟରେ ଦିନରାତି ପରିଶ୍ରମ କରି ସେବାୟତମାନେ ଠାକୁରଙ୍କ ସେବାରେ ଲାଗିଥିଲେ। ଏଣୁକରି ସମସ୍ତ ସେବାୟତମାନଙ୍କ ସ୍ବସ୍ଥ୍ଯ ବୀମା ମନ୍ଦିର ତରଫରୁ କରିଯିବାକୁ ତହସିଲଦାର ପ୍ରସ୍ତାବ ଦେଇଥିଲେ। ଏହି ପ୍ରସ୍ତାବ ସଭାରେ ଗୃହୀତ ହୋଇଥିଲା। ଅନବସର ଯାତ୍ରାରେ ହୋଇଥିବା ଆୟବ୍ଯୟକୁ ମଧ୍ୟ ସଭା ଅନୁମୋଦନ ଦେଇଥିଲା।ଆଗାମୀ ଝୁଲଣ ଯାତ୍ରାକୁ ସରସ ସୁନ୍ଦର କରିବାକୁ ସଭାରେ ଆଲୋଚନା କରାଯାଇଥିଲା। ଝୁଲଣ ମଣ୍ଡପରେ ପ୍ରତିଦିନ ସାସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ମଧ୍ୟ ନିଷ୍ପତି ନିଆଯାଇଛି । ବୈଠକରେ
ମନ୍ଦିର କାର୍ଯ୍ଯନିର୍ବାହୀ କୃଷ୍ଣଚନ୍ଦ୍ର ମାଝି, ଟଷ୍ଟ ବୋର୍ଡ ସଦସ୍ଯ ନାରାୟଣ ପଣ୍ଡା, ଲୋକନାଥ ସୁଆର, ନୃସିଂହ ଜେନା, କାଶୀନାଥ ନାୟକ ପ୍ରମୁଖ ଯୋଗଦେଇଥିଲେ ।