ଓଡ଼ିଶା ଲିଡ୍ସ(ଯାଜପୁର): ହୋଟେଲ ହୀରାଠାରେ ବ୍ରାହ୍ମଣୀଦେବୀ ସମ୍ବାଦ ସାହିତ୍ୟ ଘରର ୭ମ ବାର୍ଷିକ ଉତ୍ସବ ଆୟୋଜିତ ହୋଇ ଯାଇଛି । ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ପୂର୍ବତନ ଅର୍ଥମନ୍ତ୍ରୀ ଡ. ପ୍ରଫୁଲ୍ଲ ଚନ୍ଦ୍ର ଘଡ଼ାଇ ଯୋଗଦେଇ ପ୍ରଦୀପ ପ୍ରଜ୍ୱଳନ କରି ଉତ୍ସବର ଶୁଭାରମ୍ଭ କରିଥିଲେ। ସମ୍ମାନୀତ ଅତିଥି ଭାବେ ସମ୍ବାଦ ଅଧ୍ୟକ୍ଷ ସୌମ୍ୟ ରଞ୍ଜନ ପଟ୍ଟନାୟକ ଓ ଅନ୍ୟ ଅତିଥି ମାନେ ଯୋଗଦାନ କରିଥିଲେ ।
ଏହି ଅବସରରେ ଅତିଥିମାନେ ପତ୍ରିକା ଉନ୍ମୋଚନ କରିବା ସହ ଉପସ୍ଥିତ ସାହିତ୍ୟପ୍ରେମୀ ଦର୍ଶକମାନଙ୍କୁ ସମ୍ବୋଧିତ କରିଥିଲେ। ସାହିତ୍ୟ, ସାମ୍ବାଦିକତା ଓ ସାମାଜିକ ସଚେତନତାର ବାର୍ତ୍ତାକୁ ଆହୁରି ବ୍ୟାପକ କରିବାରେ ଏଭଳି ଆୟୋଜନ ନିଶ୍ଚିତ ଭାବେ ଏକ ପ୍ରଶଂସନୀୟ ପଦକ୍ଷେପ ବୋଲି କହିଛନ୍ତି ପୂର୍ବତନ ଅର୍ଥମନ୍ତ୍ରୀ ଡ଼. ଘଡାଇ ।
