ଶତାୟୁ ସମାଜସେବୀଙ୍କ ପ୍ରଥମ ଶ୍ରାଦ୍ଧ ବାର୍ଷିକୀରେ ବୃକ୍ଷରୋପଣ

ଓଡ଼ିଶା ଲିଡ୍ସ(କୃଷ୍ଣପ୍ରସାଦ):କୃଷ୍ଣପ୍ରସାଦ ଅଞ୍ଚଳର ବିଶିଷ୍ଠ ସମାଜସେବୀ ସ୍ବର୍ଗତ ହାଡୁବନ୍ଧୁ ଦଳବେହେରାଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଅବସରରେ ଏକ ସ୍ମୃତି ଚାରଣ ସଭା ସହିତ ବୃକ୍ଷରୋପଣ କାର୍ଯ୍ୟକ୍ରମ ତାଙ୍କ ପାରିକୁଦ ଗଡ଼ ପାଇକସାହି ସ୍ଥିତ ବାସ ଭବନରେ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମରେ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ସ୍ୱର୍ଗତ ଦଳ ବେହେରାଙ୍କ ସ୍ମୃତି ଚାରଣ କରିଥିଲେ । ସମାଜସେବା କ୍ଷେତ୍ରରେ ତାଙ୍କର ଉଲ୍ଲେଖନୀୟ ଅବଦାନ ଥିଲା ବୋଲି ଅତିଥି ମାନେ ମତବ୍ୟକ୍ତ କରିଥିଲେ । ଜଣେ ସଚ୍ଚୋଟ, ନିର୍ଭୀକ ଓ ପରପକାରୀ ତଥା ସାଲିସ ବିହୀନ ସଂଗ୍ରାମୀ ଭାବେ ସ୍ୱର୍ଗତ ଦଳବେହେରା ସାଧାରଣରେ ବେଶ ଜଣାଶୁଣା ଥିଲେ । ପ୍ରାରମ୍ଭରେ ଅତିଥି ମାନେ ସ୍ୱର୍ଗତ ଦଳବେହେରାଙ୍କ ଫଟୋ ଚିତ୍ରରେ ପୁଷ୍ପ ମାଲ୍ୟ ଅର୍ପଣ ସହିତ ପ୍ରଦୀପ ପ୍ରଜ୍ଜଳନ କରି ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ । ଏହି ଅବସରରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସ୍ଥାନୀୟ ଇପିଙ୍ଗ ସ୍ଥିତ ଶ୍ରୀ ଜଗନ୍ନାଥଙ୍କ ମନ୍ଦିର ପରିସରରେ ବିଭିନ୍ନ ପ୍ରକାର ଚାରା ରୋପଣ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ସ୍ୱର୍ଗତ ଦଳବେହେରାଙ୍କ ତିନି ପୁଅ, ନାତୁଣୀ ଜ୍ୱାଇଁ ଅର୍ଜୁନ ପୁରସ୍କାର ପ୍ରାପ୍ତ ଭାର ଉତ୍ତୋଳନ କାରୀ କେ.ରବିକୁମାର, ବିଆରସିସି ସିଦ୍ଧେଶ୍ୱର କରଣ,ପୂର୍ବତନ ସରପଞ୍ଚ କୁମାର ସିଂହ, ପୂର୍ବତନ ସରପଞ୍ଚ ମିଟୁ ସିଂହସାମନ୍ତ, ଗ୍ରୀନ ପାରିକୁଦ ସଂଗଠନର ଗଛ ମଣିଷ ଅମିତା ତରେଇ, ମୀନାରାଣୀ ସାହୁ, ଛତ୍ରପୁର ବ୍ଳକ ରାଜଗୁରୁ ପଞ୍ଚାୟତ ସରପଞ୍ଚ ରଞ୍ଜନ କୁମାର ପଲେଇ, ସମାଜସେବୀ ଗଙ୍ଗାଧର ପଲେଇ, ପ୍ରଧାନଶିକ୍ଷକ ନିରଞ୍ଜନ ପାହାଣ, ବରିଷ୍ଠ ଶିକ୍ଷକ ଅସିତ କୁମାର ଜେନାଙ୍କ ସମେତ ସମସ୍ତ ଆତ୍ମୀୟ ସ୍ୱଜନ ଉପସ୍ଥିତ ଥିଲେ ।