ଚିଲିକା ଅପହରଣ ଓ ହତ୍ୟା ଘଟଣାରେ ଜଣେ ଗିରଫ, ଚନ୍ଦ୍ରାପୁଟ ଗାଁ ପୁରୁଷ ଶୁନ୍ୟ

ଓଡ଼ିଶା ଲିଡ୍ସ(ବ୍ରହ୍ମଗିରି): ଚିଲିକା ଅପହରଣ ଓ ହତ୍ୟା ଘଟଣାରେ ପୋଲିସ ଜଣକୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଯୁବକ ଜଣକ ହେଲେ ଚନ୍ଦ୍ରାପୁଟ ଗାଁର ଗଣେଷ ଦାସ(୨୩) । ଗଣେଶକୁ ବାଲୁଗାଁ ଅଞ୍ଚଳରୁ ଚଢ଼ାଉ ପରେ ପୋଲିସ ଗିରଫ କରି ହତ୍ୟାମାମଲା ରୁଜୁ କରି କୋର୍ଟ ଚାଲାଣ କରିଛି । ଏହି ଘଟଣାରେ ସଂପୃକ୍ତ ଅଧିକ ବ୍ୟକ୍ତିଙ୍କୁ ଗିରଫ ପାଇଁ ପୋଲିସ ଚନ୍ଦ୍ରାପୁଟ ଗାଁରେ ବାରମ୍ବାର ଚଢ଼ାଉ କରୁଥିବାରୁ ଚନ୍ଦ୍ରାପୁଟ ଗାଁ ଏବେ ପୁରୁଷ ଶୂନ୍ୟ ହୋଇଯାଇଛି । ଅନ୍ୟ ପକ୍ଷରେ ଘଟଣାର ତଦନ୍ତ ପାଇଁ କୁମାରପୁର ଗାଁରେ ଫରେନସିକ ଟିମ୍ ପହଞ୍ଚି ତଦନ୍ତ ଆଗକୁ ନେଇଛି । ଫରେନସିକ ଟିମ ଚିଲିକା ଭିତରୁ ଯାଇ ବାହାରେ ଚିଲିକା ଶ୍ୟାମାକାଳୀ ନାସିରେ ତଦନ୍ତ କରି ଫେରିଛି । ଗାଁ ଲୋକଙ୍କୁ ପଚରାଉଚରା କରିବା ସହିତ ହତ୍ୟାରେ ବ୍ୟବହୃତ ହୋଇଥିବା ଡ଼ଙ୍ଗାକୁ ତନଖି କରିଛି ।